കണ്ണൂര്‍: പാലത്തായി പീഡനകേസിലെ പ്രതി പത്മരാജന് ജാമ്യം നല്‍കിയത് ചോദ്യം ചെയ്ത് ഇരയുടെ അമ്മ നല്‍കിയ ഹരജിയില്‍ ഹൈക്കോടതി ഇന്ന് വിധി പറയും. പ്രതിക്ക് അനുവദിച്ച ജാമ്യം റദ്ദ് ചെയ്യണമെന്നാണ് ആവശ്യം.
തലശ്ശേരി പോക്‌സോ കോടതിയാണ് പ്രതിക്ക് ജാമ്യം അനുവദിച്ചത്. കോടതിയുടെ നടപടി ചോദ്യം ചെയ്താണ് ഇരയുടെ അമ്മ ഹൈക്കോടതിയെ സമീപിച്ചിരിക്കുന്നത്. കുട്ടി പീഡനത്തിന് ഇരയായി എന്ന മെഡിക്കല്‍ റിപ്പോര്‍ട്ട് അടക്കം ഉണ്ടായിട്ടും ജാമ്യം നല്‍കിയ വിചാരണ കോടതി നടപടി ശരിയല്ലെന്നാണ് വാദം. അതേ സമയം പെണ്‍കുട്ടിയെ പീഡിപ്പിച്ചിട്ടില്ലെന്നും ബി.ജെ.പി അനുഭാവി ആയതിനാലാണ് ആരോപണം ഉന്നയിച്ചതെന്നുമായിരുന്നു പ്രതിഭാഗം കോടതിയെ അറിയിച്ചത്.
