ന്യൂഡെൽഹി: കൃത്യമായി മാസ്ക് ധരിക്കാത്ത യാത്രക്കാരെ വിമാനത്തിൽ നിന്ന് ഇറക്കിവിടാമെന്ന പുതിയ സർക്കുലർ പുറത്തിറക്കി ഡിജിസിഎ (ഡയറക്ടർ ജനറൽ ഓഫ് സിവിൽ ഏവിയേഷൻ). തുടർച്ചയായ മുന്നറിയിപ്പുകൾക്ക് ശേഷവും കൃത്യമായി മാസ്ക് ധരിക്കാത്തവരെ വിമാനത്തിൽ നിന്ന് ഇറക്കി വിടാമെന്നാണ് സർക്കുലറിൽ പറയുന്നത്. നിയമം ലംഘിക്കുന്നവരെ ആവശ്യമെങ്കിൽ പുറപ്പെടലിന് മുൻപ് തന്നെ ഒഴിവാക്കാമെന്നും സർക്കുലർ പറയുന്നു.
യാത്രക്കിടെ ആരെങ്കിലും കോവിഡ് 19 പ്രോട്ടോക്കോൾ നടപ്പാക്കുന്നതിന് വിസമ്മതിച്ചാൽ അവരെ മോശം പെരുമാറ്റത്തിനുള്ള പട്ടികയിൽ ഉൾപ്പെടുത്തും. സുരക്ഷാ ഉദ്യോഗസ്ഥർക്ക് നിയമനടപടി സ്വീകരിക്കാമെന്നും ഡിജിസിഎ വ്യക്തമാക്കുന്നു. മാസ്ക് ധരിക്കാത്ത യാത്രികരെ വിമാനത്തിൽനിന്ന് ഇറക്കിവിടാമെന്ന് ഡിജിസിഎക്ക് ഡെൽഹി ഹൈക്കോടതി നിർദേശം നൽകിയതിന് പിന്നാലെയാണ് നടപടി.
Read Also: ‘പെട്രോളിനും ഡീസലിനും വില കുറക്കും’; വമ്പൻ വാഗ്ദാനങ്ങളുമായി തമിഴ്നാട്ടിൽ ഡിഎംകെ