ദുൽഖർ സൽമാൻ നായകനായ ഹനു രാഘവപുടിയുടെ ‘സീതാരാമം’ ചിത്രത്തിലെ ആദ്യ ഗാനമെത്തി. ‘പെൺ പൂവേ…” എന്ന് തുടങ്ങുന്ന ഗാനത്തിന്റെ ലിറിക്കൽ വീഡിയോ ആണ് അണിയറ പ്രവർത്തകർ ഇപ്പോൾ പുറത്തു വിട്ടിരിക്കുന്നത്.
ശരത്തും നിത്യ മാമനും ചേർന്നാണ് മലയാളം പതിപ്പിന്റെ ഗാനം ആലപിച്ചിരിക്കുന്നത്. വിശാൽ ചന്ദ്രശേഖറാണ് സംഗീത സംവിധാനം. വീഡിയോയിൽ സിനിമയിലെ ചില ദൃശ്യങ്ങളും കാണിക്കുന്നുണ്ട്.
യുദ്ധവും പ്രണയവും പറയുന്ന ചിത്രത്തിൽ ദുൽഖർ സൽമാനും മൃണാൽ താക്കൂറുമാണ് രാമനായും സീതയായും എത്തുന്നത്. കൂടാതെ ‘അഫ്രീൻ’ എന്ന കഥാപാത്രമായി രശ്മിക മന്ദാനയും ചിത്രത്തിലുണ്ട്. സുമന്ത്, ഗൗതം മേനോൻ, പ്രകാശ് രാജ്, തുടങ്ങിയവരാണ് മറ്റ് പ്രധാന താരങ്ങൾ.
ഒരേസമയം തെലുങ്ക്, തമിഴ്, മലയാളം ഭാഷകളിൽ എത്തുന്ന ചിത്രം വൈജയന്തി മൂവീസിന്റെ ബാനറിൽ അശ്വിനി ദത്തും പ്രിയങ്ക ദത്തും ചേർന്നാണ് നിർമിക്കുന്നത്. പിഎസ് വിനോദാണ് ഛായാഗ്രഹണം.
Most Read: സിഎഎ വിരുദ്ധ പ്രക്ഷോഭം ശക്തമാക്കുമെന്ന് വടക്കുകിഴക്കന് മേഖലയിലെ സംഘടനകൾ