കോഴിക്കോട്: സര്ക്കാരിന് ജനങ്ങള് നല്കിയ ക്ളീന് ചിറ്റ് അല്ല തദ്ദേശ തിരഞ്ഞെടുപ്പ് ഫലമെന്ന് കേന്ദ്ര മന്ത്രി വി മുരളീധരന്. തിരഞ്ഞെടുപ്പും അന്വേഷണ ഏജന്സികളും തമ്മില് ബന്ധമില്ലെന്ന് പറഞ്ഞ മുരളീധരന് യുഡിഎഫ് നേതൃത്വം ലീഗാണെന്ന വസ്തുത ബിജെപി മുന്പേ പറഞ്ഞതാണെന്നും കൂട്ടിച്ചേര്ത്തു.
കേന്ദ്ര ഏജന്സികളുടെ അന്വേഷണം ജനങ്ങള് പൂര്ണ്ണമായും നിരാകരിച്ചു എന്ന് പറയുന്നത് ശരിയല്ലെന്ന് വി മുരളീധരന് പറഞ്ഞു. മാത്രവുമല്ല തദ്ദേശ തിരഞ്ഞെടുപ്പിലെ ജനവിധി ബിജെപിക്ക് അനുകൂലമാണെന്നും അദ്ദേഹം വ്യക്തമാക്കി. മുസ്ലിം ലീഗും കോണ്ഗ്രസും സിപിഎമ്മിനെ പിന്തുണക്കുകയാണ് ചെയ്തതെന്നും അതിനാല് മാത്രമാണ് അവര്ക്ക് പിടിച്ച് നില്ക്കാനായതെന്നും വി മുരളീധരന് ചൂണ്ടിക്കാട്ടി. യുഡിഎഫ് നേതൃത്വം ലീഗാണെന്ന കാര്യം നേരത്തെ തന്നെ ബിജെപി വ്യക്തമാക്കിയിരുന്നു എന്നും കേന്ദ്രമന്ത്രി വി മുരളീധരന് കൂട്ടിച്ചേര്ത്തു.