തിരുവനന്തപുരം: പെട്രോളിന്റെയും ഡീസലിന്റെയും എക്സൈസ് തീരുവ കേന്ദ്രം കുറച്ചതോടെ സംസ്ഥാനത്തെ നികുതിയും ആനുപാതികമായി കുറഞ്ഞു. കേരളത്തിൽ പെട്രോളിന് അകെ 6.57 രൂപയും ഡീസലിന് 12.33 രൂപയുമാണ് കുറഞ്ഞത്.
ആനുപാതികമായി സംസ്ഥാന നികുതിയും കുറയുന്നതിനാൽ സംസ്ഥാന നികുതിയിൽ പ്രത്യേകമായ കുറവ് വരുത്തേണ്ടതില്ലെന്ന നിലപാടിലാണ് കേരള സർക്കാർ. വില കുറഞ്ഞതിന് ശേഷം പെട്രോളിന്റെ സംസ്ഥാന നികുതി 21.5 രൂപയും ഡീസലിന് 17 രൂപയുമായിരിക്കും. എന്നാൽ, ബിജെപി ഭരിക്കുന്ന ചില സംസ്ഥാനങ്ങൾ സ്വന്തം നിലയ്ക്കും നികുതി കുറച്ചിരുന്നു.
തിരുവനന്തപുരത്ത് പെട്രോളിന് 105.86 രൂപയായി കുറഞ്ഞു. ഡീസലിന് 93 രൂപ 52 പൈസയാണ് പുതിയ വില. കൊച്ചിയിൽ പെട്രോളിന് 103.70 രൂപയും ഡീസലിന് 91.49 രൂപയുമാണ് പുതുക്കിയ വില. കോഴിക്കോട് പെട്രോളിന് 103.97ഉം ഡീസലിന് 92.57 രൂപയുമാണ് ഇന്നത്തെ വില.
Also Read: ഫാത്തിമയുടെ കുടുംബത്തിൽ 3 ദുരൂഹ മരണങ്ങൾ; കൂടുതൽ അന്വേഷണത്തിന് പോലീസ്