കണ്ണൂര്‍: പിണറായിയാണ് ശരിയെന്ന് മുതിര്‍ന്ന മാദ്ധ്യമപ്രവര്‍ത്തകനും കമ്യൂണിസ്‌റ്റ് സൈദ്ധാന്തികനുമായ ബര്‍ലിന്‍ കുഞ്ഞനന്തന്‍ നായര്‍. തനിക്ക് തെറ്റുപറ്റി. വിഭാഗീയതയുടെ കാലത്ത് വിഎസ് അച്യുതാനന്ദനൊപ്പം നിന്നതാണ് പിണറായിയുമായി അകലാന്‍ കാരണം. പിണറായി വിജയനെ കണ്ട് ക്ഷമ പറയണമെന്നും അദ്ദേഹം പറഞ്ഞു. മാതൃഭൂമി ന്യൂസിനോടായിരുന്നു പ്രതികരണം.
”എനിക്ക് വയസ് 96 കഴിഞ്ഞു. ഇപ്പോള്‍ രണ്ടുകണ്ണിനും കാഴ്‌ചയില്ല. എങ്കിലും ഒരാഗ്രഹം ബാക്കിയുണ്ട്. പിണറായിയെ കാണണം. കാഴ്‌ചയില്ലെങ്കിലും ശബ്‌ദം കേള്‍ക്കാമല്ലോ. എല്ലാം കഴിഞ്ഞു. പാര്‍ട്ടിയില്‍ ഐക്യവും ശക്‌തിയും വന്നില്ലേ”, അദ്ദേഹം പറഞ്ഞു. അസുഖ ബാധിതനായി കുറെക്കാലമായി നാറാത്തെ വീട്ടിലാണ് ബര്‍ലിന്‍. മുന്‍പ് പിണറായി വിജയനെ രാഷ്‌ട്രീയപരമായും വ്യക്‌തിപരമായും ബര്‍ലിന്‍ വിമര്‍ശിച്ചിരുന്നു
Read also: തലശ്ശേരി പാലം നവീകരണം; വിദേശ സാങ്കേതികവിദ്യയില്‍ പൂര്‍ത്തിയാക്കും
