കോട്ടയം: കേരള കോണ്ഗ്രസ് വര്ക്കിംഗ് ചെയര്മാന് പിജെ ജോസഫ് എംഎല്എയുടെ ഇളയ മകന് ജോ ജോസഫ് (34) അന്തരിച്ചു. ഹൃദയാഘാതത്തെ തുടര്ന്നായിരുന്നു അന്ത്യം.
ഉച്ചയൂണിന് ശേഷം ഉറങ്ങുന്നതിനിടെയാണ് ഹൃദയാഘാതം ഉണ്ടായത്. ഉടനെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ഏറെ നാളായി ഹൃദയ സംബന്ധമായ അസുഖത്തിന് ചികില്സയിലായിരുന്നു. സംസ്ക്കാരം പിന്നീട്. മാതാവ്: ഡോ. ശാന്ത ജോസഫ്. സഹോദരങ്ങള്: അപു, യമുന, ആന്റണി.