കൊച്ചി: കണ്ണൂര്‍ സര്‍വകലാശാല വിസി പുനര്‍ നിയമനത്തിന് എതിരായി സേവ് യൂണിവേഴ്‌സിറ്റി ഫോറം സമര്‍പ്പിച്ച ഹരജി ഹൈക്കോടതി ഇന്ന് പരിഗണിക്കും. ഹൈക്കോടതിയുടെ ഡിവിഷന്‍ ബെഞ്ചാണ് ഹര്‍ജി പരിഗണിക്കുക. വി സിയുടെ അഭിഭാഷകന്‍ അപേക്ഷ നല്‍കിയതിനെത്തുടര്‍ന്നാണ് മുന്‍പ് ഹര്‍ജി പരിഗണിക്കുന്നത് മാറ്റിവെച്ചത്.
കണ്ണൂര്‍ സര്‍വകലാശാല വിസിയായി ഡോ ഗോപിനാഥ് രവീന്ദ്രന് പുനർനിയമനം നൽകിയതിൽ ചട്ടലംഘനമില്ലെന്ന് ഹൈക്കോടതി മുന്‍പ് വ്യക്‌തമാക്കിയിരുന്നു. പുനര്‍ നിയമനത്തിന് പ്രായപരിധി ബാധകമാകില്ലെന്നും സെലക്‌ട് കമ്മിറ്റി നിര്‍ബന്ധമില്ലെന്നും കോടതി പറഞ്ഞു. യുജിസി ചട്ടങ്ങള്‍ ചൂണ്ടിക്കാട്ടിയായിരുന്നു അന്ന് കോടതിയുടെ പരാമര്‍ശങ്ങള്‍.
നിയപരമായി നിലനില്‍ക്കില്ലെന്ന് ചൂണ്ടിക്കാട്ടി ഫയലില്‍ പോലും സ്വീകരിക്കാതെയാണ് ജസ്‌റ്റിസ് അമിത് റാവല്‍ ഹരജി തള്ളിയത്. ഇതിനെ ചോദ്യം ചെയ്‌തുകൊണ്ടാണ് സേവ് യൂണിവേഴ്‌സിറ്റി ഫോറം വീണ്ടും ഹരജി സമര്‍പ്പിച്ചത്.
Read also: നടിയെ ആക്രമിച്ച കേസിൽ വിചാരണ നീട്ടൽ; ഹരജി ഇന്ന് സുപ്രീം കോടതിയിൽ
