മുംബൈ: മഹാരാഷ്ട്ര ആഭ്യന്തര മന്ത്രി അനിൽ ദേശ്മുഖിനും, മുംബൈ മുൻ പോലീസ് കമ്മീഷണർ പരംബീർ സിംഗിനുമെതിരെ ബോംബെ ഹൈക്കോടതിയിൽ ഹരജി. ഇരുവർക്കുമെതിരെ സിബിഐ അന്വേഷണം ആവശ്യപ്പെട്ടാണ് ഹരജി സമർപ്പിച്ചിരിക്കുന്നത്.
അഴിമതിയും ക്രമക്കേടും അടക്കം ആരോപണങ്ങൾ അന്വേഷിക്കണമെന്ന് ഹരജിയിൽ ആവശ്യപ്പെടുന്നു. അനിൽ ദേശ്മുഖിനെതിരെ കോഴയാരോപണം ഉന്നയിച്ച് പരംബീർ സിംഗ്, മഹാരാഷ്ട്ര മുഖ്യമന്ത്രി ഉദ്ധവ് താക്കറെക്ക് കത്തെഴുതിയതും ഹരജിയിൽ ചൂണ്ടിക്കാട്ടുന്നു. മുംബൈ സ്വദേശിനി അഡ്വ. ജയശ്രീ ലക്ഷ്മൺറാവു പാട്ടീലാണ് ഹരജിയുമായി ഹൈക്കോടതിയെ സമീപിച്ചത്.
നേരത്തേ അനിൽ ദേശ്മുഖിനെതിരെ ഗുരുതര ആരോപണവുമായി പരംബീർ സിംഗ് രംഗത്തെത്തിയിരുന്നു. സസ്പെൻഷനിലായ പോലീസ് ഉദ്യോഗസ്ഥൻ സച്ചിൻ വാസെ ഉൾപ്പെടെയുള്ളവരെ ഉപയോഗിച്ച് പണം കൈക്കലാക്കാൻ ശ്രമിച്ചുവെന്നായിരുന്നു പരംബീർ സിംഗിന്റെ ആരോപണം.
Also Read: സംസ്ഥാനത്തെ കോവിഡ് പ്രതിരോധം വിജയം; സീറോ പ്രിവലന്സ് സര്വേ