ന്യൂഡെല്ഹി: പാര്ലമെന്റിന്റെ ശീതകാല സമ്മേളനത്തിന് മുന്നോടിയായി സര്വകക്ഷിയോഗം വിളിക്കാൻ ലക്ഷ്യമിട്ട് പ്രധാനമന്ത്രി നരേന്ദ്ര മോദി. കാര്ഷിക നിയമങ്ങള് പിന്വലിക്കുന്നതും വിളകള്ക്ക് മിനിമം താങ്ങുവില ഏര്പ്പെടുത്തുന്നതും സംബന്ധിച്ച വിഷയത്തിലും തീരുമാനമുണ്ടായേക്കും. നവംബര് 28ന് 11 മണിക്കായിരിക്കും യോഗം ചേരുക. ഞായറാഴ്ച വൈകുന്നേരം മൂന്ന് മണിക്ക് ബിജെപിയുടെ പാര്ലമെന്ററി മീറ്റിംഗും തീരുമാനിച്ചിട്ടുണ്ട്.
ബുധനാഴ്ച ചേരാനിരിക്കുന്ന നിര്ണായകമായ പാര്ലമെന്റ് സെഷനിലായിരിക്കും കാര്ഷിക നിയമങ്ങള് പിന്വലിക്കുക. അതോടൊപ്പം മിനിമം താങ്ങുവില ഏര്പ്പാടാക്കുന്നത് സംബന്ധിച്ച് നടപടികള് സ്വീകരിച്ചില്ലെങ്കില് സമരം പിന്വലിക്കില്ല എന്ന നിലപാടാണ് കർഷകർ സ്വീകരിച്ചിരിക്കുന്നത്. കഴിഞ്ഞ ദിവസം അപ്രതീക്ഷിതമായ ഒരു പ്രഖ്യാപനത്തിലൂടെയാണ് കാര്ഷിക നിയമങ്ങള് പിന്വലിക്കുന്നു എന്ന് പ്രധാനമന്ത്രി മോദി പറഞ്ഞത്.
Read also: പരംബീർ സിംഗ് ഒളിച്ചോടില്ല, എന്നാൽ ജീവന് ഭീഷണിയുണ്ട്; അഭിഭാഷകൻ