കോഴിക്കോട് : ജില്ലയിൽ താലൂക്ക് ആശുപത്രിയിൽ ഡ്യൂട്ടി ഡോക്‌ടറുടെ കൃത്യനിർവഹണം തടസപ്പെടുത്തുകയും ഭീഷണിപ്പെടുത്തുകയും കയ്യേറ്റത്തിന് മുതിരുകയും ചെയ്‌ത പ്രതി അറസ്‌റ്റിൽ. കൂട്ടാലിട കൻമാടത്തിൽ രാജേഷ്(40) ആണ് പിടിയിലായത്.
ആശുപത്രി അധികൃതർ നൽകിയ പരാതിയുടെ അടിസ്‌ഥാനത്തിലാണ്‌ രാജേഷിനെ പോലീസ് അറസ്‌റ്റ് ചെയ്‌തത്‌. കഴിഞ്ഞ 12ആം തീയതിയാണ് കേസിനാസ്‌പദമായ സംഭവം ഉണ്ടായത്. തുടർന്ന് പ്രതിയെ പിടികൂടുന്നതിൽ കാലതാമസം ഉണ്ടായതോടെ ആശുപത്രി സ്‌റ്റാഫ് കൗൺസിൽ പ്രതിഷേധവുമായി രംഗത്തെത്തിയിരുന്നു.
എസ്എച്ച്ഒ രാജേഷ് മരങ്ങാലത്ത്, എസ്ഐമാരായ മുഹമ്മദ് മുഹ്സിൻ, കെപി വിനോദ് എന്നിവരുടെ നേതൃത്വത്തിലാണ് പ്രതിയെ അറസ്‌റ്റ് ചെയതത്. തുടർന്ന് കോടതിയിൽ ഹാജരാക്കിയ ഇയാളെ നിലവിൽ റിമാൻഡ് ചെയ്‌തിരിക്കുകയാണ്.
Read also : കോഴിക്കോട് നഗരത്തിലെ മെഗാ വാക്‌സിനേഷൻ ക്യാംപ് ഇന്നും നാളെയും തുടരും
