പാലക്കാട്: ജില്ലയിലെ പട്ടാമ്പിയിൽ പോലീസ് ചമഞ്ഞെത്തി യുവതിയെ പീഡിപ്പിക്കാൻ ശ്രമം നടത്തിയ സംഭവത്തിൽ പ്രതികൾക്കായി അന്വേഷണം ശക്തമാക്കി പോലീസ്. കേസിൽ 5 പേർക്കെതിരെയാണ് യുവതി പരാതി നൽകിയിരിക്കുന്നത്. ഇവരിൽ മൂന്ന് പേർ ഇതുവരെ അറസ്റ്റിലായി. ഒളിവിൽ പോയ മറ്റു രണ്ടു പ്രതികൾക്കായി ഷൊർണൂർ ഡിവൈഎസ്പി വി സുരേഷിന്റെ നേതൃത്വത്തിലുള്ള പോലീസ് സംഘം അന്വേഷണം ശക്തമാക്കിയിട്ടുണ്ട്.
പട്ടാമ്പി വല്ലപ്പുഴ പുതുവീട്ടിൽ അബ്ദുൽ വഹാബ്(31), എറണാകുളം ഫോർട്ട് കൊച്ചി മട്ടാഞ്ചേരി കൊല്ലത്ത് വീട്ടിൽ സജ്ഞു കെ സമദ്(34), തൃശൂർ പാഞ്ഞാൾ പാറപ്പുറം പൈവളപ്പിൽ വീട്ടിൽ മുഹമ്മദ് ഫാസിൽ(27) എന്നിവരാണ് ഇതുവരെ അറസ്റ്റിലായത്.
മെയ് 2ആം തീയതി മുതൽ പട്ടാമ്പിയിലുള്ള ലോഡ്ജിൽ ആൺ സുഹൃത്തിനൊപ്പം താമസിക്കുകയായിരുന്നു യുവതി. തുടർന്നാണ് സമീപത്തെ മുറിയിൽ താമസിക്കാൻ എത്തിയ പ്രതികൾ പോലീസ് ചമഞ്ഞ് പീഡിപ്പിക്കാൻ ശ്രമം നടത്തിയത്. പോലീസ് ചമഞ്ഞു പണം തട്ടാൻ ശ്രമം, പീഡന ശ്രമം, തട്ടിക്കൊണ്ട് പോകാൻ ശ്രമം എന്നീ കുറ്റങ്ങളാണ് പ്രതികൾക്കെതിരെ ചുമത്തിയിട്ടുള്ളത്.
Read also: അമ്മക്കും കുഞ്ഞിനും പ്രത്യേക ബെർത്ത്; പുത്തൻ സംവിധാനവുമായി റെയിൽവേ