കണ്ണൂർ: ആർടി ഓഫിസിലെ പൊതുമുതൽ നശിപ്പിച്ച കേസിൽ ജാമ്യത്തിൽ കഴിയുന്ന ഈ ബുൾജെറ്റ് സഹോദരങ്ങളുടെ ജാമ്യം റദ്ദാക്കണമെന്ന് ആവശ്യപ്പെട്ട് പോലീസ് സമർപ്പിച്ച ഹരജി തലശ്ശേരി സെഷൻസ് കോടതി ഇന്ന് പരിഗണിക്കും. ലിബിനും എബിനും ജാമ്യത്തിൽ തുടർന്നാൽ തെറ്റായ സന്ദേശമാകും സമൂഹത്തിന് നൽകുകയെന്നാണ് പോലീസിന്റെ വാദം.
പബ്ളിക് പ്രോസിക്യൂട്ടർ വിപി ശശീന്ദ്രനാണ് പോലീസിന് വേണ്ടി ഹരജി നൽകിയത്. ഹരജിയിൽ ഇരുവരുടെയും വിശദീകരണം കോടതി ചോദിച്ചിരുന്നു. പോലീസ് കെട്ടിചമച്ച കേസാണ് ഇതെന്നാണ് ഇ ബുൾജെറ്റ് സഹോദരങ്ങളുടെ വാദം. വാഹന മോഡിഫിക്കേഷനുമായി ബന്ധപ്പെട്ട വിഷയത്തിലാണ് ഇരുവരും കണ്ണൂർ ആർടി ഓഫിസിൽ എത്തിയതും, സംഘർഷാവസ്ഥ സൃഷ്ടിച്ചതും.
Read Also: ഗതാഗത നിയമലംഘനം; നാലര ലക്ഷത്തോളം വാഹനങ്ങൾ കരിമ്പട്ടികയിൽ