ന്യൂഡെൽഹി: നിയമസഭാ തിരഞ്ഞെടുപ്പിന്റെ ആദ്യഘട്ട വോട്ടിംഗ് പുരോഗമിക്കുന്നതിനിടെ മണിപ്പൂരിൽ സ്വന്തം തോക്കിൽ നിന്നും അബദ്ധത്തിൽ വെടി പൊട്ടി പോലീസ് ഉദ്യോഗസ്‌ഥൻ മരിച്ചു. നവോറം ഇബോചൗബ എന്ന പോലീസ് ഉദ്യോഗസ്‌ഥനാണ് മരണപ്പെട്ടത്.
ചുരചന്ദ്പൂർ ജില്ലയിലെ ടിപയ്‌മുഖ് മണ്ഡലത്തിലാണ് സംഭവം നടന്നത്. ചീഫ് ഇലക്‌ടറൽ ഓഫീസർ രാജേഷ് അഗർവാളാണ് ഇക്കാര്യം അറിയിച്ചത്. സർവീസ് റൈഫിളിൽ നിന്നും അബദ്ധത്തിൽ വെടിപൊട്ടിയാണ് മരണം സംഭവിച്ചതെന്ന് അദ്ദേഹം സ്‌ഥിരീകരിച്ചു.
38 മണ്ഡലങ്ങളിലായി മണിപ്പൂരിൽ ഇന്നായിരുന്നു ആദ്യഘട്ട വോട്ടെടുപ്പ്. വൈകുന്നേരം 6 മണി വരെയാണ് വോട്ടെടുപ്പ് നടക്കുക. രണ്ടാംഘട്ട വോട്ടെടുപ്പ് മാർച്ച് 5ആം തീയതിയും നടക്കും.
Read also: ഹരിദാസന്‍ വധം; 4 പ്രതികളെ പോലീസ് കസ്‌റ്റഡിയില്‍ വിട്ടു
