കാസര്‍ഗോഡ്: തദ്ദേശ സ്വയംഭരണ തിരഞ്ഞെടുപ്പ് പോളിംഗ് ദിവസം തിരഞ്ഞെടുപ്പുമായി ബന്ധപ്പെട്ട മറ്റ് പ്രവര്‍ത്തനങ്ങളില്‍ ഏര്‍പ്പെടുന്ന ഉദ്യോഗസ്‌ഥാര്‍ക്കും ജീവനക്കാര്‍ക്കും പോസ്‌റ്റല്‍ ബാലറ്റ് അനുവദിച്ച് സംസ്‌ഥാന തിരഞ്ഞെടുപ്പ് കമ്മീഷന്‍ ഉത്തരവിറക്കി.
ജില്ലാ തിരഞ്ഞെടുപ്പ് ഓഫീസുകളിലെയും പഞ്ചായത്ത്, ഉപവരണാധികാരി എന്നിവരുടെ ഓഫീസുകളിലെയും ഇലക്ഷന്‍ വിഭാഗം ജീവനക്കാര്‍ക്കും നിരീക്ഷകര്‍, സെക്‌ടറല്‍ ഓഫീസര്‍മാര്‍, മുനിസിപ്പാലിറ്റി ഓഫീസുകളിലെ ഇലക്ഷന്‍ വിഭാഗം ജീവനക്കാര്‍, വരണാധികാരി, ആന്റി ഡീഫേസ്‌മെന്റ് സ്‌ക്വാഡിലെ ഉദ്യോഗസ്‌ഥര്‍, തിരഞ്ഞെടുപ്പ് ഡ്യൂട്ടിക്ക് നിയോഗിക്കപ്പെടുന്ന പോലീസ് ഉദ്യോഗസ്‌ഥര്‍ എന്നിവര്‍ക്കാണ് പോസ്‌റ്റല്‍ ബാലറ്റ് പേപ്പറുകള്‍ അനുവദിക്കാന്‍ സംസ്‌ഥാന തിരഞ്ഞെടുപ്പ് കമ്മീഷന്‍ ഉത്തരവിട്ടത്. ഇതിനായി 15ആം നമ്പര്‍ ഫോറത്തില്‍ വരണാധികാരിക്ക് അപേക്ഷ നല്‍കണമെന്നും തിരഞ്ഞെടുപ്പ് കമ്മീഷന്‍ അറിയിച്ചു.
Malabar News: പാലക്കാട് യുഡിഎഫ്-ബിജെപി-ജമാ അത്ത് കൂട്ടുകെട്ട്; എകെ ബാലൻ
