തിരുവനന്തപുരം: സംസ്ഥാനത്ത് കോഴിവിലയിൽ വൻ മുന്നേറ്റം. ഒരാഴ്ചക്കിടെ 50 രൂപയോളമാണ് കോഴിവില വർധിച്ചത്.
ചൂട് കാലമായ ഏപ്രിൽ- മെയ് മാസങ്ങളിൽ സാധാരണ കോഴിക്ക് വില കുറയുകയാണ് പതിവ്. എന്നാൽ ഇത്തവണ പതിവിന് വിപരീതമായാണ് ഈ സീസണിൽ കോഴി വില വർധിക്കുന്നത്. സംസ്ഥാനത്തെ കോഴിയുടെ ലഭ്യതക്കുറവും കോഴിത്തീറ്റ വില വർധനവുമാണ് വിലക്കയറ്റത്തിന് കാരണമെന്നാണ് കച്ചവടക്കാർ പറയുന്നത്.
വ്രതവും, വിഷുവും ആയതിനാൽ കോഴിക്ക് ആവശ്യക്കാർ ഏറും. ഇതിനിടെയാണ് ഇറച്ചിക്കോഴി വില കുതിച്ചുയരുന്നത്. കഴിഞ്ഞ ആഴ്ച ഒരു കിലോ കോഴിക്ക് (ഇറച്ചി തൂക്കം) 190 രൂപയായിരുന്നു വില. ഈ ആഴ്ച അത് 220 രൂപയായി വർധിച്ചു.
കഴിഞ്ഞ ആഴ്ച വരെ ജീവനോടെയുള്ള കോഴിക്ക് 100 രൂപ മുതൽ 120 രൂപവരെയായിരുന്നു കിലോയ്ക്ക് വില ഉണ്ടായിരുന്നത്. എന്നാൽ ഈ ആഴ്ച അത് 140 രൂപയായി വർധിച്ചു.
Read Also: കെഎം ഷാജിയുടെ വീട്ടിലെ റെയ്ഡ്; വിശദാംശങ്ങള് ഇന്ന് കോടതിയില് സമര്പ്പിക്കും