പ്രഭാസ് നായകനായി എത്തുന്ന, തെന്നിന്ത്യൻ സിനിമാ പ്രേമികൾ ഏറെ ആകാംക്ഷയോടെ കാത്തിരിക്കുന്ന ചിത്രം ‘രാധേ ശ്യാമി’ന്റെ പുതിയ പോസ്‌റ്റര്‍ പുറത്തുവിട്ടു. പ്രഭാസ് തന്നെയാണ് പോസ്‌റ്റർ ആരാധകർക്കായി പങ്കുവെച്ചത്.
രാധാകൃഷ്‍ണ കുമാര്‍ സംവിധാനം ചെയ്യുന്ന ചിത്രത്തിൽ നായികയായി എത്തുന്നത് പൂജാ ഹെഡ്ഗെയാണ്. മയിൽപീലിയോട് കൂടിയ നീല ഗൗൺ ധരിച്ച് നിൽക്കുന്ന പൂജയെ നോക്കി നിൽക്കുന്ന പ്രഭാസിന്റെ ചിത്രമാണ് പുതിയ പോസ്‌റ്ററിൽ ഉൾപ്പെടുത്തിയിരിക്കുന്നത്.
View this post on Instagram
തെലുങ്ക്, ഹിന്ദി, തമിഴ്, മലയാളം തുടങ്ങിയ ഭാഷകളിലാണ് ചിത്രം റിലീസ് ചെയ്യുക. വരുന്ന ജനുവരി 14ന് ചിത്രം തിയറ്ററുകളിൽ എത്തുമെന്നാണ് റിപ്പോർട്ടുകൾ. തെലുങ്ക് സിനിമാ രംഗത്തെ പ്രമുഖ നിര്‍മാണ കമ്പനിയായ ഗോപി കൃഷ്‍ണ മൂവീസും യുവി ക്രിയേഷനും ചേര്‍ന്നാണ് ചിത്രം നിര്‍മിക്കുന്നത്. ശ്രീകര്‍ പ്രസാദാണ് എഡിറ്റിംഗ് നിര്‍വഹിക്കുന്നത്.
Most Read: പാരാലിമ്പിക്‌സ്‌: ഇന്ത്യയ്‌ക്ക് രണ്ടുമെഡല്‍ കൂടി; ജാവലിനില്‍ വെള്ളിയും വെങ്കലവും
