ടോക്യോ: പാരാലിമ്പിക്‌സില്‍ ഇന്ത്യയ്‌ക്ക് രണ്ട് മെഡല്‍ കൂടി. ജാവലിന്‍ ത്രോയില്‍ ദേവേന്ദ്ര ജജാരിയ വെള്ളിയും സുന്ദര്‍ സിംഗ് ഗുര്‍ജാര്‍ വെങ്കലവും സ്വന്തമാക്കി. ഗെയിംസില്‍ ഇന്ത്യ നാല് മെഡലുകളാണ് ഇന്ന് സ്വന്തമാക്കിയത്.
Our Champ is here again!?? @DevJhajharia wins #SILVER in Mens #Javelin Throw F46 with a PERSONAL BEST performance of 64.35 mtrs!???
A double podium finish in this event for India!#Praise4Para #paraathletics #Tokyoparalympics2020 #Tokyo2020 #Paralympics@Tokyo2020hi @Media_SAI pic.twitter.com/baE5HreSeF— Paralympic India ?? #Cheer4India ? #Praise4Para (@ParalympicIndia) August 30, 2021
ഏറ്റവും മികച്ച വ്യക്‌തിഗത പ്രകടനവുമായാണ്(64.35 മീറ്റര്‍) ദേവേന്ദ്ര ജജാരിയ വെള്ളി നേടിയത്. അതേസമയം സീസണില്‍ തന്റെ മികച്ച സമയം (64.01 മീറ്റര്‍) കണ്ടെത്താൻ സുന്ദര്‍ സിംഗ് ഗുര്‍ജാറിനായി.
We are unstoppable!?? @SundarSGurjar takes #Bronze in Men’s #Javelin F46 with a Season Best throw of 64.01 mtrs!!? #Praise4Para #Tokyoparalympics2020 #Tokyo2020 #Paralympics #paraathletics @Media_SAI @narendramodi @ianuragthakur @IndiaSports pic.twitter.com/8ba24fHl4T
— Paralympic India ?? #Cheer4India ? #Praise4Para (@ParalympicIndia) August 30, 2021
നേരത്തെ 10 മീറ്റർ എയർറൈഫിളില്‍ അവനി ലേഖര ഇന്ത്യക്കായി ലോക റെക്കോര്‍ഡോടെ(249.6) സ്വർണം നേടിയിരുന്നു. പാരാലിമ്പിക്‌സില്‍ സ്വര്‍ണം നേടുന്ന ആദ്യ ഇന്ത്യന്‍ വനിത കൂടിയാണ് ഈ 19കാരി. അവനി ലേഖരയുടെ ആദ്യ പാരാലിമ്പിക്‌സാണിത്.
കൂടാതെ പുരുഷന്‍മാരുടെ ഡിസ്‌കസ് ത്രോ F56 വിഭാഗത്തിൽ യോഗേഷ് ഖാത്തൂണിയ ഇന്ന് വെള്ളി നേടിയിരുന്നു. സീസണിലെ തന്റെ മികച്ച ദൂരം (44.38 മീറ്റര്‍) കണ്ടെത്തിയാണ് ഖാത്തൂണിയയുടെ നേട്ടം.
ഇന്നലെ ഇന്ത്യ ഇരട്ടവെള്ളി സ്വന്തമാക്കിയിരുന്നു. ടേബിൾ ടെന്നീസിൽ ഭവിന ബെൻ പട്ടേലും ഹൈജമ്പിൽ നിഷാദ് കുമാറുമാണ് അഭിമാനനേട്ടം കൊയ്‌തത്‌.
Most Read: ആദ്യഡോസ് വാക്‌സിനേഷന്‍ 100 ശതമാനം പൂര്‍ത്തിയാക്കി ഹിമാചല്‍ പ്രദേശ്
