പനാജി: ഗോവ മുഖ്യമന്ത്രിയാകാൻ വീണ്ടും പ്രമോദ് സാവന്ത്. രണ്ടാം തവണയാണ് പ്രമോദ് സാവന്ത് ഗോവ മുഖ്യമന്ത്രിയാകുന്നത്. കേന്ദ്ര നേതാക്കളുടെ യോഗത്തിലാണ് തീരുമാനം. സംസ്ഥാനത്തെ ഏറ്റവും സ്വീകാര്യനെന്ന നിലയിലും പൊതുസമ്മതിയുടെ കാര്യത്തിലുമാണ് പ്രമോദ് സാവന്തിനെ പാർട്ടി വിശ്വാസത്തിൽ എടുത്തിരിക്കുന്നത്.
ഈ മാസം 23, 25 എന്നീ ദിവസങ്ങളിൽ സത്യപ്രതിജ്ഞ നടക്കും. ചടങ്ങിൽ പങ്കെടുക്കാൻ പ്രധാനമന്ത്രി നരേന്ദ്ര മോദിക്കൊപ്പം നിരവധി മുതിർന്ന നേതാക്കൾ ഗോവയിലെത്തുമെന്നാണ് അറിയിപ്പ്. ഗോവ നിയമസഭാ തിരഞ്ഞെടുപ്പിൽ 40ൽ 20 സീറ്റുകൾ നേടിയാണ് ബിജെപി മൂന്നാം തവണയും തുടർഭരണം ഉറപ്പിച്ചത്.
Most Read: സംസ്ഥാനത്ത് ഓട്ടോ-ടാക്സി നിരക്ക് വർധന അനിവാര്യം; മന്ത്രി ആന്റണി രാജു