ന്യൂഡെൽഹി: പ്രധാനമന്ത്രി നരേന്ദ്രമോദി ഇന്ന് ഹിമാചൽ പ്രദേശിൽ സന്ദർശനം നടത്തും. ഷിംലയിൽ നടക്കുന്ന ഗരീബ് കല്യാൺ സമ്മേളനത്തിൽ അദ്ദേഹം പങ്കെടുക്കുകയും ചെയ്യും. സമ്മേളനത്തിൽ പങ്കെടുത്തതിന് പിന്നാലെ 9 മന്ത്രാലയങ്ങളുടെ 16 കേന്ദ്രാവിഷ്കൃത പദ്ധതികളിലെ ഗുണഭോക്താക്കളുമായി പ്രധാനമന്ത്രി സംവദിക്കും.
മോദി സർക്കാരിന്റെ എട്ടാം വാർഷിക ആഘോഷങ്ങളുടെ ഭാഗമായി ഇന്ന് രാജ്യത്തെ എഴുന്നൂറ് കേന്ദ്രങ്ങളിൽ ഗരീബ് കല്യാൺ സമ്മേളനങ്ങൾ നടക്കുന്നുണ്ട്. ജില്ലാ ആസ്ഥാനങ്ങളിലും കാർഷിക കേന്ദ്രങ്ങളിലുമായാണ് സമ്മേളനങ്ങൾ നടക്കുക. ഈ സമ്മേളനങ്ങളിൽ മന്ത്രിമാരും മുഖ്യമന്ത്രിമാരും പങ്കെടുക്കുമെന്ന് അധികൃതർ വ്യക്തമാക്കി.
കൂടാതെ ഝാൻസിയിൽ നടക്കുന്ന റോഡ് ഷോയിൽ പ്രധാനമന്ത്രിക്കൊപ്പം മുഖ്യമന്ത്രി ജയറാം താക്കൂറും പങ്കെടുക്കും. റാലിയിൽ പ്രധാനമന്ത്രി നരേന്ദ്ര മോദി പ്രവർത്തകരെ അഭിസംബോധന ചെയ്യുകയും ചെയ്യും.
Read also: തൃക്കാക്കര ഇന്ന് പോളിംഗ് ബൂത്തിലേക്ക്