2021 ഓസ്കാര് പുരസ്കരത്തിന്റെ നോമിനേഷന് പട്ടിക മാര്ച്ച് 15ന് പ്രഖ്യാപിക്കുമെന്ന് അക്കാദമി അധികൃതര് അറിയിച്ചു. നടി പ്രിയങ്ക ചോപ്രയും ഭര്ത്താവ് നിക്ക് ജോനസുമാണ് പട്ടിക പ്രഖ്യാപിക്കുക. സമൂഹമാദ്ധ്യമത്തില് പങ്കുവെച്ച വീഡിയോയിലൂടെ പ്രിയങ്കയും നിക്കും തന്നെയാണ് ഇക്കാര്യം അറിയിച്ചത്.
ലൈവ് സ്ട്രീമിങ്ങിലൂടെ രണ്ട് ഭാഗങ്ങളായാണ് 23 കാറ്റഗറികളിലുള്ള നോമിനേഷനുകള് പ്രഖ്യാപിക്കുന്നത്. അക്കാദമിയുടെ ഔദ്യോഗിക ട്വിറ്റര് പേജില് തങ്ങളെ ലൈവായി കാണാമെന്നാണ് പ്രിയങ്ക ട്വിറ്ററിലൂടെ അറിയിച്ചിരിക്കുന്നത്.
‘ഓസ്കാര് നോമിനേഷന് ഒറ്റക്ക് പ്രഖ്യാപിക്കാന് പറ്റുമോ? വെറുതേ പറഞ്ഞതാണ്. ഈ വരുന്ന തിങ്കളാഴ്ച ഞാനും നിക്കും ഒരുമിച്ച് നോമിനേഷനുകള് പ്രഖ്യാപിക്കും,’ പ്രിയങ്ക വീഡിയോയിൽ പറഞ്ഞു.
Hey @TheAcademy, any chance I can announce the Oscar nominations solo? ? Just kidding, love you @nickjonas! We are so excited to be announcing the #OscarNoms on Monday, March 15th at 5:19AM PDT! Watch it live on @TheAcademy‘s Twitter! pic.twitter.com/fB5yyEtWK6
— PRIYANKA (@priyankachopra) March 11, 2021
ഓസ്കാര് പുരസ്കാര വിതരണം 2021 ഏപ്രിലില് നടക്കുമെന്ന് കഴിഞ്ഞ വര്ഷം ജൂണില് അക്കാദമി അറിയിച്ചിരുന്നു. കോവിഡ് പശ്ചാത്തലത്തിലാണ് അവാർഡ് വിതരണം നീണ്ടുപോയത്.
അതേസമയം പുരസ്കാര വിതരണം എമ്മി, ഗോള്ഡന് ഗ്ളോബ് പോലെ ഓണ്ലൈനായി ആയിരിക്കില്ലെന്ന് വിദേശ മാദ്ധ്യമമായ വെറൈറ്റി നേരത്തെ റിപ്പോര്ട് ചെയ്തിരുന്നു. പതിവുപോലെ ലോസ് ആഞ്ചലസിലെ ഡോബി തിയേറ്ററില് വെച്ച് തന്നെയാണ് ചടങ്ങ് നടക്കുക.
Read Also: കണ്ടന്റ് ക്രിയേറ്റർമാർ നികുതി നൽകണം; പുതിയ വ്യവസ്ഥയുമായി യൂട്യൂബ്