മലപ്പുറം: സിൽവർലൈൻ പദ്ധതിക്കെതിരായ പ്രതിഷേധം മലപ്പുറത്തും. ജില്ലയിലെ തിരുനാവായയിലാണ് സിൽവർലൈൻ പദ്ധതിക്കെതിരായ കടുത്ത പ്രതിഷേധം ഉണ്ടായത്. പ്രതിഷേധം ശക്‌തമായതോടെ സർവേ നടപടികൾ താൽക്കാലികമായി നിർത്തി വെക്കുകയും ചെയ്‌തു.
മുകളിൽ നിന്നുള്ള നിർദ്ദേശത്തെ തുടർന്നാണ് സർവേ നടപടികൾ നിർത്തി വച്ചതെന്ന് ബന്ധപ്പെട്ട തഹസിൽദാർ വ്യക്‌തമാക്കി. കൂടാതെ ഇനിയെന്നാണ് സർവേ പുനഃരാരംഭിക്കുക എന്ന കാര്യത്തിലും തീരുമാനമായിട്ടില്ല. പ്രായമായവരും കുട്ടികളും ഉൾപ്പടെയാണ് പ്രതിഷേധവുമായി രംഗത്തെത്തിയത്.
അതേസമയം തന്നെ കോഴിക്കോട് വെസ്‌റ്റ് കല്ലായിലും കോട്ടയം നട്ടാശേരിയിലും സിൽവർ ലൈൻ സർവേ നടപടികൾക്കെതിരെ പ്രദേശവാസികൾ സംഘടിക്കുകയാണ്. സർവേ പുനഃരാരംഭിച്ചാൽ തടയുമെന്ന നിലപാടിലാണെന്ന് നാട്ടുകാർ.
Read also: ദോഹയിലേക്കുള്ള ഖത്തർ എയർവേയ്‌സ്‌ അടിയന്തരമായി നിലത്തിറക്കി
