ചണ്ടീഗഡ്: കേന്ദ്ര സർക്കാർ നടപ്പിലാക്കിയ വിവാദ കാര്‍ഷിക നിയമങ്ങള്‍ റദ്ദാക്കുന്നതുമായി ബന്ധപ്പെട്ട് നിയമസഭയുടെ പ്രത്യേക സമ്മേളനം വിളിച്ച് പഞ്ചാബ് മുഖ്യമന്ത്രി. നവംബര്‍ എട്ടിന് മുന്‍പായി കാര്‍ഷിക ബില്ലുകള്‍ റദ്ദാക്കാൻ കേന്ദ്രം തയ്യാറായില്ലെങ്കിൽ സംസ്‌ഥാനത്ത് ഈ നിയമങ്ങള്‍ നടപ്പാക്കുന്നത് തടയാന്‍ പ്രമേയം പാസാക്കുമെന്ന് ചരണ്‍ജിത്ത് സിംഗ് ചന്നി പറഞ്ഞു.
കൂടാതെ അതിര്‍ത്തി രക്ഷാസേനയുടെ അധികാര പരിധി വര്‍ധിപ്പിക്കുന്നതുമായി ബന്ധപ്പെട്ട് കേന്ദ്രം പുറത്തിറക്കിയ വിജ്‌ഞാപനം പിന്‍വലിക്കണമെന്നും പ്രത്യേക സമ്മേളനത്തില്‍ ആവശ്യപ്പെടും. ബിഎസ്എഫിന്റെ അധികാര പരിധി 15 കിലോമീറ്ററില്‍ നിന്നും 50 കിലോമീറ്ററായി വര്‍ധിപ്പിക്കണമെന്നാണ് കേന്ദ്ര വിജ്‌ഞാപനത്തില്‍ പറയുന്നത്.
Read also: പുതിയ രാഷ്‌ട്രീയ പാർട്ടിയുമായി അമരീന്ദർ സിംഗ്
