ദോഹ: അടുത്ത വർഷം ഖത്തറിൽ നടക്കുന്ന ഫുട്ബോൾ ലോകകപ്പിനുള്ള സംപ്രേഷണ അവകാശം ‘വയകോം 18‘ന്. 450 കോടി രൂപക്കാണ് റിലയൻസ് നെറ്റ്വർക്കിന് കൂടി പങ്കാളിത്തമുള്ള വയകോം ലോകകപ്പ് സംപ്രേഷണ അവകാശം സ്വന്തമാക്കിയത്.
ഇതിനായി സോണി നെറ്റ്വർക്ക്, സ്റ്റാർ ഗ്രൂപ്പ് എന്നീ പ്രമുഖരെയൊക്കെ വയകോം പിന്തള്ളി. നിലവിൽ സ്പാനിഷ് ലീഗ്, സീരി എ, റോഡ് സേഫ്റ്റി വേൾഡ് ടി-20 ടൂർണമെന്റ്, അബുദാബി ടി-20 ലീഗ് എന്നിവയുടെ അവകാശവും വയകോം 18നാണ്. നിലവിൽ വയകോമിന് ഇന്ത്യയിൽ ഒരു സ്പോർട്സ് ചാനൽ ഇല്ല.
എന്നാൽ, ഉടൻ തന്നെ അവർ പുതിയ ഒരു ചാനൽ തുടങ്ങുമെന്നാണ് സൂചന. അടുത്ത വർഷത്തെ ഇന്ത്യൻ പ്രീമിയർ ലീഗ് സംപ്രേഷണ അവകാശം സ്വന്തമാക്കാനുള്ള ശ്രമവും വയകോം നടത്തുന്നുണ്ടെന്നാണ് റിപ്പോർട്.
Read Also: ‘കാണെക്കാണെ’ ട്രയ്ലറെത്തി; ആകാംക്ഷയും ഉദ്വേഗവും നിറഞ്ഞ ദൃശ്യാനുഭവം