പ്രഭാസിനെ കേന്ദ്ര കഥാപാത്രമാക്കി രാധാ കൃഷ്‌ണ സംവിധാനം ചെയ്യുന്ന ചിത്രം ‘രാധേ ശ്യാമി’ന്റെ റിലീസ് തീയതി പ്രഖ്യാപിച്ചു. 2022 ജനുവരി 14നാണ് ചിത്രം പ്രേക്ഷകർക്കരികിൽ എത്തുക. പ്രഭാസിന്റെ പുതിയ പോസ്‌റ്റര്‍ പങ്കുവെച്ചുകൊണ്ടാണ് തീയതി പ്രഖ്യാപിച്ചത്. ചിത്രം തിയേറ്ററില്‍ തന്നെയായിരിക്കും റിലീസ് ചെയ്യുകയെന്നും അണിയറ പ്രവര്‍ത്തകര്‍ അറിയിച്ചിട്ടുണ്ട്.
ബഹുഭാഷാ ചിത്രമായ ‘രാധേ ശ്യാം’ വി ക്രിയേഷന്‍സിന്റെ ബാനറില്‍ വംസിയും പ്രമോദും ചേര്‍ന്നാണ് നിർമിക്കുന്നത്. വേറിട്ടൊരു വേഷത്തിലാകും ചിത്രത്തില്‍ പ്രഭാസ് എത്തുകയെന്നത് പ്രധാന സവിശേഷതകളിൽ ഒന്നാണ്. പൂജ ഹെഡ്‌ജയാണ് ചിത്രത്തിലെ നായിക. മലയാളത്തിന്റെ പ്രിയതാരം ജയറാമും ചിത്രത്തില്‍ പ്രധാന വേഷം കൈകാര്യം ചെയ്യുന്നു.
#RadheShyam: 14th Jan 2022 theatrical release confirmed. pic.twitter.com/xYbArF550C
— LetsOTT GLOBAL (@LetsOTT) July 30, 2021
നേരത്തെ ‘രാധേ ശ്യാം’ ഒടിടി റിലീസായിരിക്കുമെന്ന അഭ്യൂഹങ്ങളും വന്നിരുന്നു. 400 കോടിക്ക് ചിത്രം പ്രമുഖ ഒടിടി പ്ളാറ്റ്‌ഫോമിന് വിറ്റുവെന്നും ഇതോടെ ‘രാധേ ശ്യാം’ ഒടിടി വാങ്ങിയ ഏറ്റവും വില കൂടിയ തെലുങ്കു ചിത്രമായി മാറിയെന്നും ആയിരുന്നു റിപ്പോര്‍ട്. എന്നാലിപ്പോൾ റിലീസ് പ്രഖ്യാപനത്തോടെ ഇത്തരം അഭ്യൂഹങ്ങള്‍ക്കും അവസാനമായി.
Read Also: ഇവിടെ പഴയ ശവക്കല്ലറകൾ കണ്ടെത്തുന്നത് ചെമ്മരിയാടുകളാണ്!
