തിരുവനന്തപുരം: ബിജെപി-സിപിഎം ബന്ധമെന്ന ആരോപണത്തിൽ കോൺഗ്രസ് എംപി രാഹുൽ ഗാന്ധിക്ക് മറുപടിയുമായി നേമത്തെ എൻഡിഎ സ്ഥാനാർഥി കുമ്മനം രാജശേഖരൻ. ബിജെപി-സിപിഎം ബന്ധമെന്ന രാഹുലിന്റെ ആരോപണം ആരും വിശ്വസിക്കില്ല. രാഹുലിന്റേത് കാപട്യമാണ് എന്നും കുമ്മനം ആരോപിച്ചു.
കേരളത്തിന് പുറത്ത് രാഹുൽ ഗാന്ധി വോട്ട് പിടിക്കുന്നത് സിപിഎമ്മിനാണെന്നു പറഞ്ഞ കുമ്മനം നേമത്ത് രാഹുൽ വന്നാലും പ്രശ്നം ഇല്ലെന്നും കൂട്ടിച്ചേര്ത്തു.
രാഹുൽ ഗാന്ധിക്ക് കേരള രാഷ്ട്രീയം അറിയില്ലെന്ന് നേമത്തെ എൽഡിഎഫ് സ്ഥാനാർഥി വി ശിവൻകുട്ടിയും വിമര്ശിച്ചു. സിപിഎം-ബിജെപി ബന്ധം എന്ന രാഹുലിന്റെ ആരോപണം ഏശില്ലെന്നും അദ്ദേഹത്തിന്റെ നേമം സന്ദര്ശനം കോൺഗ്രസിന് ഗുണം ചെയ്യില്ലെന്നും ശിവൻ കുട്ടി പറഞ്ഞു.
Also Read: ബിജെപി സ്ഥാനാർഥിക്ക് നേരെ തൃണമൂൽ ആക്രമണം; പരാതി