തിരുവനന്തപുരം: ലോ കോളേജിൽ വനിതാ നേതാവ് ഉൾപ്പടെയുള്ള കെഎസ്യു പ്രവർത്തകർ അക്രമിക്കപ്പെട്ട സംഭവം അപലപനീയമെന്ന് രാഹുൽ ഗാന്ധി. കേരള സർക്കാർ എത്രയും വേഗം നടപടി സ്വീകരിക്കുമെന്ന് പ്രതീക്ഷിക്കുന്നുവെന്ന് രാഹുൽ ഗാന്ധി പറഞ്ഞു.
കഴിഞ്ഞ ദിവസമാണ് തിരുവനന്തപുരം ലോ കോളേജിൽ എസ്എഫ്ഐ- കെഎസ്യു സംഘർഷം ഉണ്ടായത്. സംഭവത്തില് കെഎസ്യു യൂണിറ്റ് പ്രസിഡണ്ടും വനിതാ നേതാവുമായ സഫ്ന അടക്കം രണ്ട് പേര്ക്ക് പരിക്കേറ്റിരുന്നു. എസ്എഫ്ഐയിൽ നിന്ന് ഇതിന് മുൻപും സമാന ആക്രമണങ്ങൾ ഉണ്ടായിട്ടുണ്ടെങ്കിലും നടപടികൾ എടുത്തിട്ടില്ലെന്ന് സഫ്ന ആരോപിച്ചു.
സംഭവത്തിൽ പ്രതിഷേധിച്ച് മാർച്ച് 17ന് സംസ്ഥാന വ്യാപകമായി കോൺഗ്രസ് പ്രതിഷേധ പ്രകടനം നടത്തുമെന്ന് റിപ്പോർട്ടുകൾ സൂചിപ്പിക്കുന്നു. വനിതയെന്ന പരിഗണന പോലും നൽകാതെ സഫ്നയെ വളഞ്ഞിട്ട് ആക്രമിച്ച സംഭവം കേരളത്തിന് അപമാനകാരമെന്ന് കെപിസിസി ജനറൽ സെക്രട്ടറി ടിയു രാധാകൃഷ്ണൻ പറഞ്ഞു. പ്രകൃതരായ മനുഷ്യർ ചിന്തിക്കാത്തതാണ് എസ്എഫ്ഐ ലോ കോളേജിൽ കാട്ടിക്കൂട്ടിയതെന്നും ഇതിനെതിരെ ശക്തമായി പ്രതികരിക്കുമെന്നും അദ്ദേഹം കൂട്ടിച്ചേർത്തു.
Read also: നീലേശ്വരം വികസനം; സർവകക്ഷി സംഘം കൂടുതൽ ഇടപെടൽ നടത്തും -പിപി മുഹമ്മദ് റാഫി