തിരുവനന്തപുരം: മൃദുഹിന്ദുത്വത്തിന്റെ പ്രചാരകരാണ് രാഹുൽ ഗാന്ധിയുയും പ്രിയങ്ക ഗാന്ധിയുമെന്ന് സിപിഎം സംസ്ഥാന സെക്രട്ടറി എ വിജയരാഘവൻ. രാജ്യത്തെ വർഗീയ വൽക്കരിക്കാനുള്ള ബിജെപി ശ്രമത്തോട് ശക്തമായി പ്രതികരിക്കാൻ ഇവർക്ക് കഴിയുന്നില്ലെന്നും വിജയരാഘവൻ പറഞ്ഞു.
ലോകത്ത് ഒരിടത്തും പെട്രോളിന് ഇത്രയധികം വിലയില്ല. പെട്രോളിന് ഇത്രയധികം വില വർധിച്ചിച്ചിട്ടും കോൺഗ്രസ്-യുഡിഎഫ് നേതാക്കൾ കേന്ദ്രത്തിനെതിരെ ഒരക്ഷരം മിണ്ടുന്നില്ല. ബിജെപിയോടുള്ള മൃദുസമീപനത്തിന്റെ ഒരു തെളിവ് മാത്രമാണിത്.
രാഹുൽ ഗാന്ധി അദ്ദേഹത്തിന്റെ തിരഞ്ഞെടുപ്പ് പ്രചാരണം ഗുജറാത്തിലും രാജസ്ഥാനിലും ആരംഭിച്ചത് അമ്പലങ്ങളിൽ പോയി പൂജ അനുഷ്ഠിച്ചാണ്. ബിജെപിയുടെ അതേ ശൈലി തന്നെയാണ് അവർ സ്വീകരിക്കുന്നത്. ഹിന്ദുത്വ ചിഹ്നങ്ങളുടെ കാര്യത്തിൽ പ്രിയങ്ക ബിജെപിയോട് മൽസരിക്കുന്നത് നമ്മൾ കണ്ടതാണെന്നും വിജയരാഘവൻ കൂട്ടിച്ചേർത്തു.
Read Also: 74 താൽകാലിക ജീവനക്കാർക്ക് സ്ഥിര നിയമനം; ശുപാർശ മന്ത്രിസഭ അംഗീകരിച്ചു