ഡെൽഹി: കോൺഗ്രസ് നേതാവ് രാഹുൽ ഗാന്ധി ഈ മാസം 9ന് ശ്രീനഗർ സന്ദർശിക്കും. അവിടുത്തെ പാർട്ടി നേതാക്കളെയും പ്രവർത്തകരെയും രാഹുൽ കാണുമെന്നും പാർട്ടി വൃത്തങ്ങൾ അറിയിച്ചു.
ആർട്ടിക്കിൾ 370 റദ്ദാക്കിയതിന് ശേഷമുള്ള രാഹുൽ ഗാന്ധിയുടെ ആദ്യ ജമ്മു കശ്മീർ സന്ദർശനമാണിത്.
ജമ്മു കശ്മീർ പാർട്ടി ഘടകം പ്രസിഡണ്ട് ഗുലാം അഹമ്മദ് മിറിന്റെ മകന്റെ വിവാഹ സൽക്കാരത്തിലും കോൺഗ്രസ് നേതാവ് പങ്കെടുക്കും. കൂടാതെ ശ്രീനഗറിലെ ഖീർ ഭവാനിയും ഹസ്രത്ബാലും അദ്ദേഹം സന്ദർശിച്ചേക്കുമെന്നും വിവരമുണ്ട്.
ഓഗസ്റ്റ് 8ന് കോൺഗ്രസ് നേതാക്കൾ ജമ്മുവിലെ മാതാ വൈഷ്ണോ ദേവി ക്ഷേത്രം സന്ദർശിക്കുമെന്നും സൂചനയുണ്ട്. എന്നാൽ ഇക്കാര്യത്തിൽ ഇതുവരെ അന്തിമ തീരുമാനം ആയിട്ടില്ലെന്നും പാർട്ടി നേതാക്കളെയും പ്രവർത്തകരെയും കാണുമെന്നുമാണ് പാർട്ടി വൃത്തങ്ങളിൽ നിന്നും ലഭിക്കുന്ന വിവരം.
2019 ഓഗസ്റ്റിലാണ് കേന്ദ്രസർക്കാർ ആർട്ടിക്കിൾ 370 റദ്ദാക്കുകയും ജമ്മു കശ്മീരിനെ രണ്ട് കേന്ദ്രഭരണ പ്രദേശങ്ങളായി വിഭജിക്കുകയും ചെയ്തത്.
Most Read: ഡെൽഹി ലെഫ്റ്റനന്റ് ഗവർണർക്ക് എതിരെ അരവിന്ദ് കെജ്രിവാൾ