ഹൃദയത്തെ സ്പർശിക്കുന്ന ആര്ദ്രഗാനവുമായി രഞ്ജിനി ജോസ്. സംവിധായകന് ഹരിദാസ് ഒരുക്കുന്ന പെര്ഫ്യൂം എന്ന പുതിയ ചിത്രത്തിന് വേണ്ടി ആലപിച്ച ഈ ഗാനം ചുരുങ്ങിയ സമയംകൊണ്ട് തന്നെ സാമൂഹിക മാദ്ധ്യമങ്ങളിൽ വൈറലായിതുടങ്ങി.
എല്ലാ പ്രായത്തിലുമുള്ളവരെ സ്വാധീനിക്കുന്ന ഈ മനോഹരഗാനം പലവട്ടം കേട്ടിരുന്നു പോകുമെന്നാണ് സോഷ്യൽ മീഡിയാലോകത്തെ യുവസമൂഹം പോലും രേഖപ്പെടുത്തുന്നത്. നീണ്ട ഇടവേളക്ക് ശേഷമുള്ള രഞ്ജിനിയുടെ തിരിച്ചുവരവ് കൂടുതൽ ശ്രദ്ധയാകർഷിക്കുമെന്ന് ഈ ഗാനത്തിന്റെ ആലാപന ശൈലി അടിവരയിടുന്നു. ഇതുവരെ രഞ്ജിനി ആലപിച്ച ഗാനങ്ങളിൽ നിന്ന് വേറിട്ടുനിൽക്കുന്ന ഈ ഗാനം സംഗീത സംവിധാന മികവുകൊണ്ടും വരികളുടെ ആഴം കൊണ്ടും കേൾവിക്കാരെ പിടിച്ചിരുത്തുന്നുണ്ട്.
രഞ്ജിനിയുടെ സംഗീത ജീവിതയാത്രയിൽ കാലത്തിനെ അതിജീവിച്ചു മുന്നേറാൻ സാധ്യതയുള്ള ഗാനങ്ങളിലൊന്നായി ഈ ഗാനം മാറുമെന്നാണ് കരുതപ്പെടുന്നത്. വരികൾക്ക് മനോഹരമായി സംഗീതം നല്കിയിരിക്കുന്നത് രാജേഷ് ബാബു കെ ശൂരനാടും വരികളെഴുതിയത് സുജിത്ത് കറ്റോടുമാണ്. സംവിധായകന് പികെ ബാബുരാജ് , നടി സുരഭി ലക്ഷ്മി, നടന് വിനോദ് കോവൂര് എന്നിവര് തങ്ങളുടെ ഫേസ്ബുക്കിലൂടെയാണ് ഗാനം റിലീസ് ചെയ്തത്.
പെര്ഫ്യൂമിലെ ആദ്യഗാനവും സൂപ്പര്ഹിറ്റായിരുന്നു. മലയാളികളുടെ വാനമ്പാടി കെഎസ് ചിത്രയും പ്രശസ്ത ഗായകന് പികെ സുനില്കുമാറും ചേര്ന്ന് ആലപിച്ച ‘നീലവാനം താലമേന്തി പോരുമോ വാര്മുകിലേ’ എന്ന ഗാനവും സംഗീത രംഗത്ത് വലിയ തരംഗമായി മാറിയിരുന്നു. ഇതിനും സംഗീതം നല്കിയത് രാജേഷ് ബാബു കെ ശൂരനാടായിരുന്നു.
ടിനി ടോം, പ്രതാപ് പോത്തന്, കനിഹ എന്നിവരാണ് ചിത്രത്തിലെ കേന്ദ്ര കഥാപാത്രങ്ങൾ. ജോർജ് കുട്ടി C/O ജോർജ് കുട്ടി, ഇന്ദ്രപ്രസ്ഥം, കിന്നരിപ്പുഴയോരം, കണ്ണൂർ ഉൾപ്പടെ 23 സിനിമകൾക്ക് ശേഷമാണ് സംവിധായകൻ ഹരിദാസിൽ നിന്ന് ‘പെര്ഫ്യൂം’ പിറക്കുന്നത്. മോത്തി ജേക്കബ് പ്രൊഡക്ഷന്സും നന്ദനമുദ്ര ഫിലിംസും സംയുക്തമായി ഒരുക്കുന്ന പെര്ഫ്യൂം മോത്തി ജേക്കബ് കൊടിയാത്ത്, സുധി എന്നിവര് ചേര്ന്നാണ് നിർമിച്ചിരിക്കുന്നത്. വാർത്താ പ്രചരണം നിർവഹിക്കുന്നത് പിആര് സുമേരൻ.
Most Read: കോവിഡ് തിരിച്ചടിയായി; റിലീസ് കാത്തിരിക്കുന്നത് 120ഓളം ചിത്രങ്ങൾ