കട്ടപ്പന: ഓട്ടോറിക്ഷാ ഡ്രൈവറുടെ പീഡനത്തിന് ഇരയായ നരിയംപാറയിലെ 16 വയസുകാരി ദളിത് പെൺകുട്ടി ആത്മഹത്യക്ക് ശ്രമിച്ചു. വെള്ളിയാഴ്ച രാവിലെയാണ് കുട്ടി മണ്ണെണ്ണയൊഴിച്ച് തീകൊളുത്തിയത്. ഓടിയെത്തിയ വീട്ടുകാർ കുട്ടിയെ കട്ടപ്പനയിലെ സ്വകാര്യ ആശുപത്രിയിലും തുടർന്ന് കോട്ടയം മെഡിക്കൽ കോളേജ് ആശുപത്രിയിലും എത്തിച്ചു. പെൺകുട്ടിയുടെ ദേഹത്ത് 40 ശതമാനത്തോളം പൊള്ളലേറ്റിട്ടുണ്ട്.
Also Read: നിരന്തരം ആക്ഷേപത്തിന് ഇരയായി, നീതി ലഭിക്കും വരെ പോരാടും; ഡോ. നജ്മ
നരിയംപാറയിലെ ഓട്ടോ ഡ്രൈവർ മനു മനോജ് (24) പെൺകുട്ടിയെ പീഡിപ്പിച്ചെന്നുകാട്ടി വീട്ടുകാർ ബുധനാഴ്ച കട്ടപ്പന ഡിവൈഎസ്പിക്ക് പരാതി നൽകിയിരുന്നു. ഇയാൾക്കെതിരെ പോസ്കോ നിയമപ്രകാരം പോലീസ് കേസെടുത്തിരുന്നു. അന്വേഷണം തുടങ്ങിയതോടെ മനു ഒളിവിൽ പോയി. ഡിവൈഎഫ്ഐ അംഗം കൂടിയായ മനുവിനെ പോലീസ് സംരക്ഷിക്കുന്നു എന്നാരോപിച്ച് കട്ടപ്പനയിൽ യുവമോർച്ച പ്രതിഷേധ പ്രകടനം നടത്തിയി.