പത്തനംതിട്ട: ജില്ലയിലെ കക്കി-ആനത്തോട് ഡാമിൽ റെഡ് അലർട് പ്രഖ്യാപിച്ചു. നിലവിൽ ഡാമിലെ ജലനിരപ്പ് പരമാവധി സംഭരണ ശേഷിയോട് അടുത്തിരിക്കുകയാണ്. ഈ സാഹചര്യത്തിലാണ് റെഡ് അലർട് പ്രഖ്യാപിച്ചത്. ഇനിയും ജലനിരപ്പ് ഉയർന്നാൽ നാളെ രാവിലെ 8 മണിയോടെ ഡാം തുറക്കുമെന്ന് അധികൃതർ വ്യക്‌തമാക്കി.
ശക്‌തമായി തുടരുന്ന മഴയുടെ പശ്‌ചാത്തലത്തിലാണ് ഡാമിൽ ജലനിരപ്പ് ഉയർന്നത്. നിലവിൽ ഡാമിന്റെ വൃഷ്‌ടി പ്രദേശങ്ങളിൽ മഴ കനക്കുകയാണ്. ഈ സാഹചര്യത്തിലാണ് റെഡ് അലർട് പ്രഖ്യാപിച്ചത്. ജലനിരപ്പ് ഉയർന്ന സാഹചര്യത്തിൽ നേരത്തെ ബ്ളൂ, ഓറഞ്ച് അലർട്ടുകൾ പ്രഖ്യാപിച്ചിരുന്നു.
ഡാമിന്റെ ജലനിരപ്പ് 978.33 മീറ്ററായി ഉയർന്നപ്പോഴാണ് റെഡ് അലർട് പ്രഖ്യാപിച്ചത്. 981.46 മീറ്ററാണ് ഡാമിന്റെ പരമാവധി സംഭരണ ശേഷി. മഴ ശക്‌തമാകുന്നതിനാൽ കക്കാട്ട് ആറിന്റെയും, പമ്പ നദിയുടെയും തീരങ്ങളിൽ അതീവ ജാഗ്രത നിർദ്ദേശം പുറപ്പെടുവിക്കുകയും ചെയ്‌തിട്ടുണ്ട്‌.
Read also: നവംബർ 8 മുതൽ 2 ഡോസ് വാക്‌സിൻ എടുത്തവർക്ക് പ്രവേശനം; ഇളവുകളുമായി യുഎസ്
