പത്തനംതിട്ട: ജലനിരപ്പ് ഉയർന്നതിനെ തുടർന്ന് ശബരിഗിരി പദ്ധതിയിൽ ഉൾപ്പെട്ട ആനത്തോട് ഡാം തുറന്നു. 60 സെന്റിമീറ്റർ ഉയരത്തിൽ രണ്ട് ഷട്ടറുകളാണ് ഉയർത്തിയത്. ഇതോടെ പമ്പാ നദിയിലെ ജലനിരപ്പ് ഉയരുമെന്ന് അധികൃതർ വ്യക്തമാക്കി. അതിനാൽ പമ്പാ നദിയുടെ ഇരു കരകളിലും ജാഗ്രതാ നിർദ്ദേശം നൽകിയിട്ടുണ്ട്.
അതേസമയം ജില്ലയിൽ നിലവിൽ മഴക്ക് ശമനം വന്നിട്ടുണ്ട്. കൂടാതെ പമ്പാ നദിയിൽ വലിയ തോതിൽ വെള്ളം ഇല്ലാത്തതും സ്ഥിതി ഗുരുതരമാക്കില്ല. ഡാം തുറന്നതോടെ വൈകുന്നേരം ആകുമ്പോഴേക്കും വെള്ളം റാന്നിയിലും പിന്നീട് കോഴഞ്ചേരി, ആറൻമുള, ചെങ്ങന്നൂർ ഭാഗത്തേക്കും എത്തും.
മഴയുടെ ശക്തി കുറഞ്ഞതിനാൽ തന്നെ നിലവിലെ സാഹചര്യത്തിൽ ആശങ്കയുടെ ആവശ്യമില്ലെന്ന് അധികൃതർ വ്യക്തമാക്കി. നദിയിലൂടെ ഒഴുകി പോകാൻ മാത്രമുള്ള ജലം മാത്രമേ നിലവിൽ എത്തൂ എന്നും അധികൃതർ കൂട്ടിച്ചേർത്തു.
Read also: ഒന്നര വയസുകാരിയുടെ കൊലപാതകം; ഗൗരവകരമെന്ന് ബാലാവകാശ കമ്മീഷൻ