പത്ത്, പ്ളസ് ടു ക്ളാസുകളിലെ സിലബസ് ചുരുക്കാന്‍ സംസ്‌ഥാനങ്ങളോട് നിര്‍ദേശിച്ച് കേന്ദ്ര വിദ്യാഭ്യാസ മന്ത്രാലയം. സിബിഎസ്ഇ ബോര്‍ഡിന്റെതടക്കം സിലബസില്‍ കുറവ് വരുത്താനാണ് നിര്‍ദേശം. വിദ്യാര്‍ഥികളുമായി കേന്ദ്ര വിദ്യാഭ്യാസ മന്ത്രി നടത്തിയ ചര്‍ച്ചക്കു ശേഷമാണ് കേന്ദ്ര നിര്‍ദേശം.
എത്ര കുറവ് വരുത്തണം എന്നത് സിബിഎസ്ഇക്കും സംസ്‌ഥാന സര്‍ക്കാരുകള്‍ക്കും തീരുമാനിക്കാം. സിബിഎസ്ഇ ഇതിനകം 30 സിലബസ് കുറച്ചിട്ടുണ്ട്. സംസ്‌ഥാന സര്‍ക്കാരുകളും സിലബസില്‍ കുറവ് വരുത്തണമെന്നാണ് വിദ്യാഭ്യാസ മന്ത്രാലയത്തിന്റെ നിര്‍ദേശം. അതേസമയം സംസ്‌ഥാനത്ത്, സിലബസില്‍ കുറവ് വരുത്തില്ലെന്നും പകരം ചോദ്യങ്ങളില്‍ ഓപ്ഷനുകള്‍ നല്‍കുമെന്നുമാണ് കരിക്കുലം കമ്മറ്റി ശുപാര്‍ശ നല്‍കിയിരിക്കുന്നത്.
Also Read: സംവിധായകന്‍ ഷാനവാസ് നരണിപ്പുഴ അന്തരിച്ചു
