അബുദാബി: ചൂട് വർധിച്ചതോടെ ജോലി സമയത്തിൽ നിയന്ത്രണം ഏർപ്പെടുത്തി യുഎഇ. ഇതോടെ രാജ്യത്തെ തൊഴിലാളികൾക്ക് ഉച്ചയ്‌ക്ക്‌ 12.30 മുതൽ 3 മണി വരെ വിശ്രമം അനുവദിക്കും. പ്രോജക്‌ട്, കൺസ്ട്രക്ഷൻ മേഖലയിലെ തൊഴിലാളികൾക്കാണ് ജോലി സമയത്തിൽ നിയന്ത്രണം ഏർപ്പെടുത്തിയിരിക്കുന്നത്.
ജൂൺ 15ആം തീയതി മുതലാണ് യുഎഇയിൽ ഉച്ച കഴിഞ്ഞുള്ള ജോലിക്ക് നിരോധനം ഏർപ്പെടുത്തിയിരിക്കുന്നത്. ചൂട് വർധിച്ചതോടെ ഉച്ച സമയങ്ങളിൽ തുറസായ സ്‌ഥലങ്ങളിൽ ജോലി ചെയ്യുന്ന ആളുകൾക്ക് സൂര്യതാപം നിൽക്കാനുള്ള സാധ്യതയുണ്ട്. ഇതൊഴിവാക്കാൻ വേണ്ടിയാണ് ജോലിസമയത്തിൽ നിയന്ത്രണം ഏർപ്പെടുത്തിയിരിക്കുന്നത്.
തുടർച്ചയായി 18ആം വർഷമാണ് രാജ്യത്ത് ഇത്തരത്തിലുള്ള സമയക്രമം നടപ്പാക്കുന്നത്. ചൂട് മൂലമുള്ള ക്ഷീണവും ഹീറ്റ് സ്ട്രോക്ക് കേസുകളും ഗണ്യമായി കുറയ്‌ക്കുന്നതിന് ഈ ഇടവേള കാരണമായിട്ടുണ്ട്.
Read also: സ്വപ്‌നയും പിസി ജോർജും നട്ടാൽ കുരുക്കാത്ത നുണയാണ് പറയുന്നത്; കെടി ജലീൽ
