സർക്കാർ കുറ്റിയടിച്ചത് ജനങ്ങളുടെ നെഞ്ചില്‍; സാബു എം ജേക്കബ്

By Syndicated , Malabar News
sabu m jacob
Ajwa Travels

കൊച്ചി: സില്‍വര്‍ ലൈന്‍ പദ്ധതിയില്‍ സംസ്‌ഥാന സര്‍ക്കാരിനെ വിമർശിച്ച് ട്വന്റി-20 ചീഫ് കോ-ഓര്‍ഡിനേറ്റര്‍ സാബു എം ജേക്കബ്. ജനങ്ങളുടെ നെഞ്ചില്‍ കുറ്റിയടിക്കുന്ന സര്‍ക്കാരാണ് കേരളത്തിലേതെന്ന് സാബു ജേക്കബ് വിമര്‍ശിച്ചു.

കെഎസ്ആര്‍ടിസിയെ നോക്കി നടത്താന്‍ അറിയാത്തവരാണ് കോടികളുടെ സില്‍വര്‍ ലൈന്‍ പദ്ധതി കൊണ്ടുവരാന്‍ പോകുന്നത്. മെട്രോ ഒരു കോടി നഷ്‌ടത്തിലാണ്. ഈ സ്‌ഥിതി തുടര്‍ന്നാല്‍ കേരളത്തിന്റെ അവസ്‌ഥ ഉടന്‍ ശ്രീലങ്കയെക്കാള്‍ മോശമാകുമെന്നും സാബു ജേക്കബ് പറഞ്ഞു.

അതേസമയം കിഴക്കമ്പലത്ത് ട്വന്റി ട്വന്റി- ആം ആദ്‌മി സഖ്യപ്രഖ്യാപനം നടത്തി. ഡെൽഹി മുഖ്യമന്ത്രി അരവിന്ദ് കെജ്‌രിവാളാണ് കിഴക്കമ്പലത്തെ കിറ്റക്‌സ് ഗ്രൗണ്ടിൽ സഖ്യം പ്രഖ്യാപിച്ചത്. കേരളത്തിലും ആം ആദ്‌മി സര്‍ക്കാര്‍ രൂപീകരിക്കുമെന്ന് കെജ്‌രിവാൾ കൂട്ടിച്ചേർത്തു.

തൃക്കാക്കരയിൽ ട്വന്റി-20 യുമായി യോജിച്ച് സംയുക്‌ത സ്‌ഥാനാർഥിയെ നിർത്താൻ ധാരണയായെന്ന സൂചന ഉണ്ടായിരുന്നുവെങ്കിലും പിന്നീട് തീരുമാനം പിൻവലിക്കുകയായിരുന്നു. ഡെൽഹിക്ക് പിന്നാലെ പഞ്ചാബും പിടിച്ച് കേരളത്തിലെത്തുന്ന കെജ്‌രിവാളിന്റെ ബദൽ നീക്കത്തെ മുന്നണികൾ ആശങ്കയോടെയാണ് കാണുന്നത്.

Read also: കന്യാകുമാരി മുതൽ കശ്‌മീർ വരെ ഭാരതത്തെ ഒന്നിപ്പിക്കും; സോണിയ ഗാന്ധി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE