ലണ്ടൻ: സൂപ്പര്താരം സാദിയോ മാനേ ലിവര്പൂള് വിടും. ജര്മനിയിലെ ബയേണ് മ്യൂണിക്കിലേക്കാണ് മാനേ കൂടുമാറുന്നത്. മൂന്ന് വര്ഷത്തേക്കാണ് കരാര്. 41 മില്യണ് പൗണ്ടിനാണ് മാനെ ബയേണിലെത്തുകയെന്ന് ഗോള് ഡോട്ട് കോം റിപ്പോര്ട് ചെയ്തു. 2016ലാണ് സെനഗല് സൂപ്പര് താരമായ മാനെ സതാപ്റ്റണില് നിന്ന് ലിവര്പൂളിലെത്തിയത്.
ഒരു വര്ഷത്തെ കരാര് കൂടി ലവര്പൂളുമായി ബാക്കിയുണ്ടായിരുന്നെങ്കിലും ചാമ്പ്യന്സ് ലീഗ് ഫൈനലില് റയലിനോട് ലിവര്പൂള് തോറ്റതിന് പിന്നാലെ ക്ളബ് വിടാനുള്ള ആഗ്രഹം മാനേ പരസ്യമാക്കുകയായിരുന്നു. മുഹമ്മദ് സലായ്ക്കും റോബര്ട്ടോ ഫിര്മിനോക്കുമൊപ്പം ലിവര്പൂളിന്റെ 2019 മുതലുള്ള കിരീടനേട്ടങ്ങളിലെ നിര്ണായക സാന്നിധ്യമാണ് സാദിയോ മാനേ.
ലിവര്പൂള് കുപ്പായത്തില് 296 മൽസരങ്ങളില് 120 ഗോളുകള് നേടിയ മാനേ 48 അസിസ്റ്റുകളും നല്കി. ലിവര്പൂളിനൊപ്പം ചാമ്പ്യന്സ് ലീഗ്, പ്രീമിയര് ലീഗ് എഫ്എകപ്പ്, ഇഎഫ്എല് കപ്പ്, യുവേഫാ സൂപ്പര് കപ്പ്, ഫിഫ ക്ളബ് ലോകകപ്പ് എന്നീ നിർണായക കിരീട നേട്ടങ്ങളില് മാനേ പങ്കാളിയായി.