രാജ്യത്ത് കോവിഡ് പ്രതിസന്ധി രൂക്ഷമാകുന്നതിനിടെ തിയേറ്ററിലും ഒടിടിയിലും ഒരേദിവസം റിലീസിന് ഒരുങ്ങി സൽമാൻ ഖാന്റെ പുതിയ ചിത്രം ‘രാധേ’. ചിത്രത്തിന്റെ റിലീസിംഗ് തീയതിയിൽ മാറ്റമുണ്ടാകില്ലെന്നും നിർമാതാക്കളായ സൽമാൻ ഖാൻ ഫിലിംസ് തങ്ങളുടെ ട്വിറ്റർ പേജിലൂടെ അറിയിച്ചു. മെയ് 13 ഈദ് ദിനത്തിലാണ് ചിത്രം റീലിസ് ചെയ്യുക.
‘എല്ലാ രീതിയിലും മികച്ച ഈദ് ആഘോഷം. നിങ്ങൾ കാത്തിരുന്ന ചിത്രം ‘രാധേ’ വിവിധ പ്ളാറ്റ്ഫോമുകളിൽ ഒരേസമയം റിലീസ് ചെയ്യുന്നു,’ സൽമാൻ ഖാൻ ഫിലിംസ് ട്വീറ്റ് ചെയ്തു.
The perfect Eid celebration!? #Radhe: Your Most Wanted Bhai, releasing simultaneously on multiple platforms worldwide.#RadheThisEid
@BeingSalmanKhan @bindasbhidu @DishPatani @RandeepHooda @PDdancing @ZeeStudios_ @SohailKhan @atulreellife @reellifeprodn @ZeeMusicCompany pic.twitter.com/TzD3s3eLDi— Salman Khan Films (@SKFilmsOfficial) April 21, 2021
കൊറിയന് ചിത്രം ‘ദി ഔട്ട്ലോസി’ന്റെ ഒഫീഷ്യല് റീമേക്കാണ് പ്രഭുദേവ സംവിധാനം ചെയ്യുന്ന ‘രാധേ ദി മോസ്റ്റ് വാണ്ടഡ് ഭായ്’. 2019 നവംബറിൽ ചിത്രീകരണം ആരംഭിച്ചെങ്കിലും കോവിഡ് മൂലം ‘രാധെ’ ഷൂട്ടിങ് നീളുകളായിരുന്നു.
ദിഷ പടാനിയാണ് നായികയായി എത്തുന്ന ചിത്രത്തിൽ രണ്ദീപ് ഹൂഡയാണ് പ്രതിനായക വേഷം കൈകാര്യം ചെയ്യുന്നത്. കൂടാതെ ജാക്കി ഷ്രോഫും ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നു.
Read Also: സംസ്ഥാനത്ത് വാക്സിൻ സൗജന്യമായിരിക്കും, വാക്കു മാറ്റുന്ന സ്വഭാവമില്ല; മുഖ്യമന്ത്രി