ദുബായ്: യുഎഇയുടെയും ഒമാന്റെയും വിവിധ മേഖലകളിൽ പൊടിക്കാറ്റ് രൂക്ഷമായി തുടരുന്നു. ഒമാനിലെ ബുറൈമി, ദാഹിറ, നോർത്ത് അൽ ബതീന ഗവർണറേറ്റുകളിലും ദാഖ് ലിയ, സൗത്ത് അൽ ബതീന ഗവർണറേറ്റുകളിലെ ചില മേഖലകളിലും പൊടിക്കാറ്റ് ദൂരക്കാഴ്‌ച കുറച്ചതായി കാലാവസ്‌ഥാ നിരീക്ഷണകേന്ദ്രം അറിയിച്ചു. കൂടാതെ ഇന്നും പൊടിക്കാറ്റിന് സാധ്യതയുള്ളതായി കാലാവസ്‌ഥാ കേന്ദ്രം മുന്നറിയിപ്പ് നൽകിയിട്ടുണ്ട്.
പൊടിക്കാറ്റ് രൂക്ഷമാകുന്നതിന് ഒപ്പം തന്നെ പകൽ സമയങ്ങളിൽ നിലവിൽ ചൂടും ഉയരുകയാണ്. ഇന്നലെ ഉച്ചകഴിഞ്ഞ് ഫുജൈറയിൽ 45 ഡിഗ്രി സെൽഷ്യസ് രേഖപ്പെടുത്തിയിരുന്നു. കൂടാതെ നോർത്ത് അൽ ബതീന ഗവർണറേറ്റിലെ സുവൈഖിൽ താപനില 47.4 ഡിഗ്രി സെൽഷ്യസ് ആയി. ഒപ്പം തന്നെ കടലിൽ ഉയർന്ന തിരമാലകൾ രൂപപ്പെട്ടതായും അധികൃതർ വ്യക്‌തമാക്കി.
Read also: തെളിവില്ല; ലഹരിമരുന്ന് കേസിൽ ആര്യൻ ഖാന് ക്‌ളീൻ ചിറ്റ്
