മലപ്പുറം: ആരോരുമില്ലാതെ തെരുവിൽ ഉപേക്ഷിക്കപ്പെടുന്നവരും കട തിണ്ണകളിലും മറ്റും ജീവിതം തള്ളിനീക്കുന്നവർക്കും അഭയമേകാനായി മഞ്ചേരി ഇരുപത്തിരണ്ടാം മൈലിൽ എസ് വൈ എസ് നേതൃത്വത്തിൽ നിർമ്മിക്കുന്ന ‘സാന്ത്വന സദനം’ ത്തിന് പിന്തുണയുമായി കരുളായി ചെട്ടിയിൽ മഹല്ല് കമ്മിറ്റിയും രംഗത്ത്.
കരുളായിയിലെ ഇർഷാദുൽ ഇസ്‌ലാം സംഘത്തിന്റെ കീഴിലുള്ള ബദരിയഃ ജുമാ മസ്‌ജിദ്‌ മഹല്ല് കമ്മിറ്റിയാണ് ‘സാന്ത്വന സദന ത്തിന് ആവശ്യമായ സാമഗ്രികൾ എത്തിക്കുന്നതിന് രംഗത്തെത്തിയത്.
മുപ്പത്തി മുവ്വായിരത്തിൽ അധികം രൂപ വില വരുന്ന ഹോളോ ബ്രിക്‌സാണ്‌ ഒന്നാം ഘട്ടമായി സൈറ്റിലെത്തിക്കുക. മഹല്ല് വർക്കിംഗ് പ്രസിഡണ്ട് ഇ.കെ. അബ്‌ദുൽ കരിം സഖാഫി, മഹല്ല് ഖത്വീബ് ഫൈസൽ അഹ്സനി, കൂറ്റമ്പാറ അബ്‌ദുറഹ്‌മാൻ ദാരിമി, ശൗക്കത്തലി സഖാഫി കരുളായി, കെ സി അബൂബക്കർ മിസ്ബാഹി, കെ ടി ഹുസൈൻ, പി.എം.അബ്‌ദുൽ കരീം, കെ.പി ഇസ്ഹാഖ് എന്നിവരുടെ നേതൃത്വത്തിലാണ് പ്രവർത്തികൾ ഏകോപിപ്പിക്കുന്നത്.
അത്യാധുനികമായ രീതിയിൽ നിർമ്മിക്കുന്ന സാന്ത്വന സദനത്തിന്റെ നിർമ്മാണ ജോലികൾ പൂർത്തീകരിക്കാൻ കോവിഡ് കാലത്തും അഹോരാത്രം പരിശ്രമിക്കുന്ന ജില്ലാ എസ് വൈ എസ് കമ്മിറ്റിക്ക് ഏറെ ഊർജ്ജം നൽകുന്ന പ്രവർത്തിയാണ് ബദരിയഃ ജുമാ മസ്‌ജിദ്‌ മഹല്ല് കമ്മിറ്റി നടത്തിയത്; ‘സാന്ത്വന സദനം’ സംഘാടകർ വ്യക്‌തമാക്കി.
National: ബലാൽസംഗ കേസില്‍ ബി.ജെ.പി നേതാവ് അറസ്‌റ്റില്‍
