മലപ്പുറം: മഞ്ചേരി ഗവൺമെന്റ് മെഡിക്കൽ കോളേജിലെ കോവിഡേതര ചികിൽസ ഉടൻ പുനരാംരഭിക്കുമെന്ന് കേരള ആരോഗ്യ ശിശുക്ഷേമ വകുപ്പ് മന്ത്രി വീണാ ജോർജ്. കേരള മുസ്‌ലിം ജമാഅത്ത് നേതാക്കളുമായി തിരുവനന്തപുരത്ത് നടത്തിയ ചർച്ചയിലാണ് ഇക്കാര്യത്തിൽ മന്ത്രി ഉറപ്പ് നൽകിയത്. കേരളാ മുസ്‌ലിം ജമാഅത്ത് സംസ്‌ഥാന സെക്രട്ടറി എ സൈഫുദ്ധീൻ ഹാജി, എസ്വൈഎസ് ജില്ലാ കമ്മിറ്റി അംഗം യുടിഎം ശമീർ പുല്ലൂർ തുടങ്ങിയവർ ചർച്ചയിൽ പങ്കെടുത്തു.
കോവിഡ് ഇതര ചികിൽസ പുനരാംരഭിക്കുക, ജനറൽ ആശുപത്രി നിലനിർത്തുക തുടങ്ങിയ ആവശ്യങ്ങളുന്നയിച്ച് കേരള മുസ്‌ലിം ജമാഅത്ത് മഞ്ചേരി സോൺ കമ്മിറ്റി മുഖ്യമന്ത്രിക്കും ആരോഗ്യമന്ത്രിക്കും നിവേദനം സമർപ്പിച്ചിരുന്നു. കൂടാതെ മെഡിക്കൽ കോളേജിന് മുമ്പിലും നൂറ് യൂണിറ്റ് കേന്ദ്രങ്ങളിലും നിൽപ്പ് സമരവും സംഘടിപ്പിച്ചിരുന്നു.
Read also: സ്‌കോളര്‍ഷിപ്പ്: വിദഗ്‌ധസമിതി പൊതുധാരണ കുറ്റമറ്റതാകണം; എസ്വൈഎസ്
