ന്യൂഡെൽഹി: കേന്ദ്ര ബജറ്റിനെ രൂക്ഷമായി പരിഹസിച്ച് കോൺഗ്രസ് എംപി ശശി തരൂർ. ട്വിറ്ററിലൂടെയാണ് കേന്ദ്ര ധനമന്ത്രി നിർമല സീതാരാമൻ അവതരിപ്പിച്ച ബജറ്റിനെ തരൂർ പരിഹസിച്ചത്.
‘ബ്രേക്ക് ശരിയാക്കാൻ സാധിക്കാത്തതുകൊണ്ട് ഹോണിന്റെ ശബ്‌ദം കൂട്ടിയിട്ടുണ്ടെന്ന് ഉപഭോക്‌താവിനോട് പറഞ്ഞ ഗാരേജ് മെക്കാനിക്കിനെ’യാണ് ബിജെപി സർക്കാർ ഓർമിപ്പിക്കുന്നതെന്നാണ് തരൂർ ട്വീറ്റ് ചെയ്‌തത്‌.
This BJP government reminds me of the garage mechanic who told his client, “I couldn’t fix your brakes, so I made your horn louder.” #Budget2021
— Shashi Tharoor (@ShashiTharoor) February 1, 2021
ആരോഗ്യ കാർഷിക മേഖലകൾക്ക് കൂടുതൽ പ്രാധാന്യം നൽകിയ ബജറ്റിൽ ഇൻഷുറൻസ് മേഖലയിൽ വിദേശ നിക്ഷേപ പരിധി 75 ശതമാനമായി ഉയർത്തി. കൂടാതെ പെട്രോൾ, ഡീസൽ, മദ്യം, സ്വർണം, വെള്ളി എന്നിവക്ക് മേൽ കാർഷിക സെസും ഏർപ്പെടുത്തി. 9 ശതമാനമായി ഉയർന്ന ധനക്കമ്മി 6.8 ശതമാനമായി കുറക്കാനുള്ള ശ്രമത്തിലാണ് സർക്കാർ. ഇതിന്റെ ഭാഗമായി ഓഹരി വിറ്റഴിക്കൽ, കടമെടുക്കൽ തുടങ്ങിയവയും നടപ്പിലാക്കും.
Read also: രാജ്യത്തിന്റെ ആത്‌മവിശ്വാസം പ്രദർശിപ്പിക്കുന്ന ബജറ്റ്; നരേന്ദ്ര മോദി
