റിയാദ്: സൗദിയിലേക്കുള്ള ഇന്ത്യന്‍ വിമാനങ്ങള്‍ക്കും സൗദിയില്‍ നിന്ന് ഇന്ത്യയിലേക്കുള്ള വിമാനങ്ങള്‍ക്കും സൗദി അറേബ്യ ഏര്‍പ്പെടുത്തിയ വിലക്കില്‍ നിന്ന് വന്ദേഭാരത് വിമാനങ്ങളെ ഒഴിവാക്കി. വന്ദേഭാരത് വിമാന സര്‍വീസുകളെ ഉത്തരവ് ബാധിക്കാതിരിക്കാന്‍ എംബസി ഇടപെടുകയും ചെയ്‌തിട്ടുണ്ട്‌. എന്നാല്‍ ഇന്ത്യയില്‍ നിന്ന് സൗദിയിലേക്കുള്ള ചാര്‍ട്ടേര്‍ഡ് സര്‍വീസുകള്‍ക്ക് പ്രത്യേക അനുമതി ആവശ്യമാണ്.
ഇന്ത്യക്ക് അകത്തേക്കും പുറത്തേക്കുമുള്ള വിമാന സര്‍വീസുകള്‍ നിര്‍ത്തി വെക്കുമെന്ന് അറിയിച്ച് സിവില്‍ ഏവിയേഷന്‍ അതോറിറ്റി കഴിഞ്ഞ ദിവസം ഉത്തരവ് പുറപ്പെടുവിച്ചിരുന്നു. സെപ്റ്റംബര്‍ 15 ന് പുറത്തിറക്കിയ സര്‍ക്കുലറിന്റെ ഭാഗമാണ് ഈ ഉത്തരവെന്ന് കരുതപ്പെടുന്നു. ഇതോടെ ഇന്ത്യയില്‍ നിന്നും സൗദിയിലേക്കുള്ള സര്‍വീസുകള്‍ പുനരാരംഭിക്കുന്നത് വൈകും.
