റിയാദ്: സൗദിയില്‍ ഇന്ന് കോവിഡ് സ്‌ഥിരീകരിച്ചത് 362 പേര്‍ക്ക്. 436 പേര്‍ രോഗമുക്‌തി നേടുകയും ചെയ്‌തു. ഇതോടെ രോഗമുക്‌തി നിരക്ക് 96.31 ശതമാനമായി ഉയര്‍ന്നു. ഇന്ന് 16 കോവിഡ് മരണവും സ്‌ഥിരീകരിച്ചിട്ടുണ്ട്.
നിലവില്‍ സൗദിയിലെ ചെറുതും വലുതുമായ 206 പട്ടണങ്ങളാണ് രോഗത്തിന്റെ പിടിയിലുള്ളത്. മദീനയിലാണ് കഴിഞ്ഞ 24 മണിക്കൂറിനുള്ളില്‍ ഏറ്റവും കൂടുതല്‍ കോവിഡ് കേസുകള്‍ റിപ്പോര്‍ട്ട് ചെയ്‌തത്. 49 പേര്‍ക്കാണ് ഇവിടെ ഒരു ദിവസത്തിനിടെ കോവിഡ് രോഗബാധ സ്‌ഥിരീകരിച്ചത്.
റിയാദ്(35), മക്ക(29), ഹൈല്‍(21), ഖമീസ് മുഷിയാത്(16) തുടങ്ങി സൗദിയിലെ 69 നഗരങ്ങില്‍ പുതിയ കേസുകള്‍ റിപ്പോര്‍ട്ട് ചെയ്‌തിട്ടുണ്ട്. രാജ്യത്ത് 7,122 പേരാണ് നിലവില്‍ ചികില്‍സയില്‍ കഴിയുന്നത്. ഇവരില്‍ 816 പേരുടെ നില ഗുരുതരമാണ്.
ഇതുവരെയായി 89,97,817 സ്രവസാമ്പിളുകളുടെ പിസിആര്‍ ടെസ്‌റ്റുകളാണ് രാജ്യത്ത് പൂര്‍ത്തിയാക്കിയത്. കഴിഞ്ഞ ഇരുപത്തിനാല് മണിക്കൂറിനുള്ളില്‍ മാത്രം 59,792 സാമ്പിളുകളുടെ ടെസ്‌റ്റ് നടത്തി.
353,918 ആണ് രാജ്യത്തെ ആകെ കോവിഡ് ബാധിതരുടെ എണ്ണം. കൂടാതെ 341,104 പേര്‍ രോഗമുക്‌തി നേടിയിട്ടുമുണ്ട്.
Read Also: വാക്‌സിന്‍ വിതരണ നടപടികള്‍ നാല് യുഎസ് സംസ്‌ഥാനങ്ങളില്‍ ആരംഭിച്ച് ഫൈസര്‍
