വയനാട്: സ്‌കൂൾ തുറക്കുന്നതിന് മുന്നോടിയായി നടക്കുന്ന ശുചീകരണ പ്രവർത്തനങ്ങൾ ജില്ലയിൽ ഈ മാസം 23ആം തീയതിക്കുള്ളിൽ പൂർത്തിയാകും. ജില്ലയിലെ സ്‌കൂൾ തുറക്കലുമായി ബന്ധപ്പെട്ട മുന്നൊരുക്കങ്ങൾ വിലയിരുത്തുന്നതിനായി ചേർന്ന യോഗത്തിലാണ് ഇക്കാര്യം തീരുമാനിച്ചത്.
കോവിഡ് വ്യാപനം രൂക്ഷമായ സമയങ്ങളിൽ കോവിഡ് കരുതൽ കേന്ദ്രങ്ങളായി മിക്ക സ്‌കൂളുകളും പ്രീ-മെട്രിക് ഹോസ്‌റ്റലുകളും പ്രവർത്തിച്ചിരുന്നു. ഇവയെല്ലാം വീണ്ടെടുത്താണ് നിലവിൽ അഗ്‌നിരക്ഷാ സേനയുടെ നേതൃത്വത്തിൽ അണുനശീകരണം നടത്തുന്നത്. കൂടാതെ കുടിവെള്ളസ്രോതസുകളും ടാങ്കുകളും ക്ളോറിനേറ്റ് ചെയ്യും.
സ്‌കൂളുകളിലെ ശുചീകരണ പ്രവർത്തനങ്ങൾ ജനപ്രതിനിധികളുടെയും, ഉദ്യോഗസ്‌ഥരുടെയും നേതൃത്വത്തിൽ വിലയിരുത്താനും തീരുമാനമായിട്ടുണ്ട്. ജില്ലാ പഞ്ചായത്ത് പ്രസിഡണ്ട് സംഷാദ് മരക്കാരുടെ അധ്യക്ഷതയിൽ ചേർന്ന യോഗത്തിലാണ് തീരുമാനം.
Read also: മിഠായി തെരുവിൽ അനധികൃത നിർമാണങ്ങൾ വ്യാപകമായതായി റിപ്പോർട്
