പാലക്കാട്: അടുത്ത അധ്യായന വർഷത്തിലേക്ക് സംസ്ഥാനത്ത് അച്ചടിക്കുന്നത് 4.41 കോടി പാഠപുസ്തകങ്ങൾ. മൂന്ന് വാല്യങ്ങളായിട്ടാണ് പുസ്തകങ്ങൾ അച്ചടിക്കുന്നത്. അതിൽ ഒന്നാം വാല്യത്തിൽ അച്ചടിച്ച പുസ്തകങ്ങൾ വിതരണം തുടങ്ങി.
ഒന്നു മുതൽ 10 വരെ ക്ളാസിലേക്കുള്ള പുസ്തകങ്ങൾ സമയ ബന്ധിതമായി അച്ചടിക്കുന്നത് എറണാകുളം കാക്കനാട്ടെ ഗവ. പ്രസിലാണ്. ഒന്നാം വാല്യം 80 ശതമാനത്തോളം അച്ചടിച്ചു. ഏപ്രിൽ പകുതിയോടെ ഒന്നാം വാല്യത്തിന്റെ അച്ചടി പൂർത്തിയാകുമെന്ന് ഗവ. പ്രസ് അധികൃതർ പറഞ്ഞു.
കാക്കനാട് ഗവ. പ്രസിൽ അച്ചടിക്കുന്ന പുസ്തകങ്ങൾ ഷൊർണൂർ ബുക്ക് ഡിപ്പോയിൽ എത്തിക്കുന്നതും വിതരണം ചെയ്യുന്നതും കുടുംബശ്രീയാണ്. കാക്കനാട് ഗവ. പ്രസിൽ ജനുവരി ആദ്യമാണ് അച്ചടി തുടങ്ങിയത്. ഒന്നാം വാല്യം അച്ചടി പൂർത്തിയായി ചെറിയൊരു ഇടവേളനൽകി രണ്ടാം വാല്യം അച്ചടി തുടങ്ങും.
ഇത്തവണ പുസ്തകങ്ങൾക്ക് മാറ്റമില്ലാത്തതുകൊണ്ട് കാല താമസമില്ലാതെ പ്രവൃത്തി തീർക്കാനാകും. അതേസമയം കഴിഞ്ഞ വർഷം ലോക്ഡൗൺ മൂലം പുസ്തകങ്ങൾ കെട്ടിക്കിടന്നതിനാൽ ഇത്തവണ അച്ചടിക്കുന്ന പുസ്തകങ്ങളുടെ എണ്ണം കുറവാണ്.
National News: ജമ്മു കശ്മീരില് രണ്ട് ഏറ്റുമുട്ടലുകൾ; അഞ്ച് ഭീകരരെ വധിച്ചു