തിരുവനന്തപുരം : സംസ്ഥാനത്ത് രണ്ടാം എൽഡിഎഫ് സർക്കാരിന്റെ സത്യപ്രതിജ്ഞ ഈ മാസം 20ആം തീയതി സെൻട്രൽ സ്റ്റേഡിയത്തിൽ വച്ച് നടക്കും. നിലവിലത്തെ സാഹചര്യത്തിൽ കോവിഡ് വ്യാപനം രൂക്ഷമായി തുടരുന്നതിനാൽ ക്ഷണിക്കപ്പെട്ട അതിഥികൾക്ക് മാത്രമായിരിക്കും ചടങ്ങിൽ പ്രവേശനം ഉണ്ടായിരിക്കുക. കൂടാതെ പൊതുജനങ്ങൾക്ക് പ്രവേശനം ഉണ്ടായിരിക്കില്ലെന്നും അധികൃതർ വ്യക്തമാക്കി.
അതേസമയം നിലവിൽ മന്ത്രിസഭ രൂപീകരണത്തിന്റെ ചർച്ചകൾ പുരോഗമിക്കുകയാണ്. ആർക്കൊക്കെയാണ് മന്ത്രിസ്ഥാനം ലഭിക്കുകയെന്നതിൽ ഇതുവരെ അന്തിമ തീരുമാനം ഉണ്ടായിട്ടില്ല. സിപിഎമ്മിൽ നിന്നും ആരൊക്കെ മന്ത്രിസ്ഥാനത്തേക്ക് ഉണ്ടാകുമെന്ന കാര്യത്തിലും, എൽഡിഎഫിലെ ഏതൊക്കെ ചെറുകക്ഷികൾക്ക് മന്ത്രിസ്ഥാനം ലഭിക്കുമെന്ന കാര്യത്തിലും ചർച്ചകൾ പുരോഗമിക്കുകയാണ്.
Read also : ഓക്സിജന് ക്ഷാമം; തിരുവനന്തപുരം ആര്സിസിയില് ശസ്ത്രക്രിയകള് മാറ്റിവെച്ചു