സെന്തിൽ കൃഷ്ണയെ നായകനാക്കി കണ്ണൻ താമരക്കുളം സംവിധാനം ചെയ്യുന്ന പുതിയ ചിത്രമായ ‘ഉടുമ്പി’ലെ പുതിയ ഗാനം റിലീസായി. ചലച്ചിത്ര താരങ്ങളായ കുഞ്ചാക്കോ ബോബൻ, ആന്റണി വർഗീസ് എന്നിവർ ചേർന്ന് താരങ്ങളുടെ ഫേസ്ബുക്ക് പേജിലൂടെയാണ് ഗാനം റിലീസ് ചെയ്തത്.
“കാലമേറെയായ് കാത്തിരുന്നു ഞാൻ…“ എന്നാരംഭിക്കന്ന പ്രണയഗാനം റിയാലിറ്റിഷോ താരവും ഗായകനുമായ ഇമ്രാൻ ഖാൻ കൊല്ലമാണ് ആലപിച്ചിരിക്കുന്നത്. രാജീവ് ആലുങ്കൽ എഴുതിയ വരികള്ക്ക് സാനന്ദ് ജോർജ് ഗ്രേസ് സംഗീതം നിർവഹിച്ചിരിക്കുന്നു.
ഈ ചിത്രത്തിലേതായി മുൻപ് പുറത്തുവന്ന് വൈറലായ ‘കള്ള് പാട്ട്’ മികച്ച ആസ്വാദനാനുഭവം നൽകുന്നതായിരുന്നു. സമൂഹ മാദ്ധ്യമങ്ങളിൽ ശ്രദ്ധേയമായി മാറിയ ഈഗാനത്തിന് ശേഷമാണ് ഇതിലെ രണ്ടാമത്തെ ഗാനം ഇന്നലെ പുറത്തിറക്കിയത്.
24 മോഷന് ഫിലിംസും കെറ്റി മൂവി ഹൗസും ചേര്ന്ന് നിർമിക്കുന്ന ഈ ത്രില്ലർ ചിത്രത്തിന്റെ തിരക്കഥ ഒരുക്കുന്നത് അനീഷ് സഹദേവനും ശ്രീജിത്ത് ശശിധരനും ചേർന്നാണ്. ചിത്രത്തിൽ സെന്തിലിനൊപ്പം അലൻസിയർ ലോപ്പസ്, ഹരീഷ് പേരാടി, ധർമജൻ ബോൾഗാട്ടി, സാജൽ സുദർശൻ, മൻരാജ്, മുഹമ്മദ് ഫൈസൽ, വികെ ബൈജു, ജിബിൻ സാഹിബ്, എൽദോ ടിടി, ബാദുഷ എൻഎം, പുതുമുഖങ്ങളായ ആഞ്ചലീന, യാമി, ശ്രേയ അയ്യർ തുടങ്ങിയവരും അഭിനയിക്കുന്നുണ്ട്.
വൈലൻസിന് പ്രാധാന്യമുള്ള ചിത്രത്തില് ബ്രൂസ്ലീ രാജേഷ് ആക്ഷൻ കൈകാര്യം ചെയ്യുന്നു. രവിചന്ദ്രനാണ് ഛായാഗ്രഹണം നിര്വഹിക്കുന്നത്. സംഗീതം – സാനന്ദ് ജോര്ജ് ഗ്രേസ്, എഡിറ്റര് – വിടി ശ്രീജിത്ത്, ലൈന് പ്രൊഡ്യൂസര് – ബാദുഷ എൻഎം, പോസ്റ്റർ ഡിസൈനര് – യെല്ലോ ടൂത്ത്, വാര്ത്താ പ്രചരണം – പി ശിവപ്രസാദ് എന്നിവരാണ്.
Most Read: ദേഹത്ത് 50 വർണങ്ങൾ; അൽഭുതമായി ഒരു ചിലന്തി