പ്രേക്ഷകര് ഏറെ ആകാംക്ഷയോടെ കാത്തിരിക്കുന്ന സിബിഐ 5ന്റെ ട്രെയ്ലര് പുറത്തിറങ്ങി. മമ്മൂട്ടിയാണ് ചിത്രത്തിന്റെ ട്രെയ്ലര് പുറത്തുവിട്ടത്. അടിമുടി ദുരൂഹതയുമായി എത്തിയിരിക്കുന്ന ട്രെയ്ലറില് വിക്രം എന്ന കഥാപാത്രവുമായി ജഗതി ശ്രീകുമാര് വീണ്ടുമെത്തുന്നു എന്ന സവിശേഷതയുമുണ്ട്.
രഞ്ജി പണിക്കര്, സുദേവ്, ആശ ശരത്ത്, മുകേഷ് തുടങ്ങിയ വലിയ താരനിരയാണ് ചിത്രത്തില് അണിനിരക്കുന്നത്. എസ്എന് സ്വാമിയുടെ തിരക്കഥയില് കെ മധു തന്നെയാണ് ചിത്രത്തിന്റെ അഞ്ചാം ഭാഗം ഒരുക്കുന്നത്. മലയാള സിനിമയില് നിരവധി ബ്ളോക്ക് ബസ്റ്റര് ഹിറ്റുകള് സമ്മാനിച്ച സ്വര്ഗചിത്രയുടെ വര്ഷങ്ങള്ക്ക് ശേഷമുള്ള ശക്തമായ തിരിച്ചുവരവ് കൂടിയായിരിക്കും ഈ ചിത്രമെന്നുള്ള കാര്യം ഉറപ്പാണ്.
1988ല് ഒരു സിബിഐ ഡയറിക്കുറിപ്പ്, 1989ല് ജാഗ്രത, 2004ല് സേതുരാമയ്യര് സിബിഐ, 2005ല് നേരറിയാന് സിബിഐ എന്നീ ചിത്രങ്ങള്ക്കു ശേഷമാണ് ഒരേ സംവിധായകനും നായകനും ഒന്നിച്ചുള്ള അഞ്ചാം ഭാഗം ഇറങ്ങുന്നതെന്നുള്ളതും പ്രത്യേകതയാണ്. മെയ് ഒന്നിന് ചിത്രം തിയേറ്ററുകളിൽ എത്തും.
Read Also: വധഗൂഢാലോചന കേസ്; മഞ്ജു വാര്യരുടെ മൊഴിയെടുത്തു