പാലക്കാട് : കെ ടി ജലീലിന്റെ രാജി ആവശ്യപ്പെട്ട് പാലക്കാട് യൂത്ത് കോണ്‍ഗ്രസ് നടത്തിയ മാര്‍ച്ച് അക്രമാസക്തമായതില്‍ പ്രതിഷേധിച്ച് ഷാഫി പറമ്പില്‍. സമരങ്ങളെ രക്തത്തില്‍ മുക്കി കൊല്ലാമെന്ന് കരുതേണ്ട എന്നും ഇതൊന്നും കൊണ്ട് സമര പാതയില്‍ നിന്നും പിന്നോട്ടേക്ക് പോകില്ലെന്നും ഷാഫി പറമ്പില്‍ ഫേസ്ബുക്ക് പോസ്റ്റില്‍ വ്യക്തമാക്കി. യൂത്ത് കോണ്‍ഗ്രസ് പ്രവര്‍ത്തകര്‍ നടത്തിയ മാര്‍ച്ചില്‍ പോലീസിന്റെ ഗുണ്ടാ വിളയാട്ടമാണ് നടന്നതെന്നും അദ്ദേഹം തന്റെ പോസ്റ്റില്‍ ചൂണ്ടിക്കാട്ടി.
മന്ത്രി കെ ടി ജലീലിന്റെ രാജി ആവശ്യപ്പെട്ട് യൂത്ത് കോണ്‍ഗ്രസ് പാലക്കാട് നടത്തിയ മാര്‍ച്ചില്‍ വി ടി ബല്‍റാം എംഎല്‍എ ഉള്‍പ്പെടെ നിരവധി ആളുകള്‍ക്ക് പരിക്കേറ്റിട്ടുണ്ട്. സമരങ്ങളെ രക്തത്തില്‍ മുക്കി കൊല്ലാനുള്ള സര്‍ക്കാര്‍ നിര്‍ദ്ദേശം പാലിക്കുന്നവരോട് പറയാന്‍ ഉള്ളത്, ഇതൊന്നും കണ്ട് സമരപാതയില്‍ പുറകോട്ടില്ല. പ്രിയപ്പെട്ട വി ടി ക്കും പോരാളികള്‍ക്കും സമരാഭിവാദ്യങ്ങള്‍ എന്നാണ് ഷാഫി പറമ്പില്‍ ഫേസ്ബുക്കില്‍ കുറിച്ചത്.
യൂത്ത് കോണ്‍ഗ്രസ് പ്രവര്‍ത്തകര്‍ പാലക്കാട് നടത്തിയ മാര്‍ച്ച് വലിയ സംഘര്‍ഷത്തിലാണ് കലാശിച്ചത്. സമരത്തില്‍ പങ്കെടുത്ത പ്രവര്‍ത്തകര്‍ക്ക് നേരെ പോലീസ് ലാത്തി വീശി. വി ടി ബല്‍റാം ഉള്‍പ്പെടെയുള്ള നിരവധി പ്രവര്‍ത്തകര്‍ക്ക് സമരത്തില്‍ പരിക്ക് പറ്റിയിട്ടുണ്ട്.
Read also : രാജി വെക്കേണ്ട സാഹചര്യമില്ല; ജലീലിന് പിന്തുണയുമായി സിപിഐയും
